اسلام آباد ۔ 22 اگست (اے پی پی) ترجمان دفتر خارجہ ڈاکٹر محمد فیصل خمیس کوں ہفتہ وار میڈیا بریفنگ ڈیندے ہوئیں آکھیا جو پاکستان ،بھارت دے نال کشمیر اچ ایندے غیر قنونی اقدام بارے کہیں وی بیک چینل ڈپلومیسی کوں مسترد کریندے ۔انہاں آکھیا جو کشمیر دے معاملے تے چنگے جواب کیتے بئے سارے قنونی، سفارتی اتے سیاسی آپشنز تے غور کیتاویندا پئے، ایں بارے وختی فیصلہ کیتا ویسی۔انہاں آکھیا جوبھارت دے نال تعلقات گھٹاونڑسانگے کئی بئے اقدامات وی زیر عمل ہن، مسئلہ کشمیر دے حل کیتے امریکہ اتے ناروے ولوں ثالثی دی پیشکشاں تے عملدرآمد دا انحصار بھارت ولوں ثالثی دی گالھ تے راضی تھیونڑ نال جوڑیا ہوئے ۔انہاں آکھیا جو ایرانی سپریم لیڈر آیت اﷲ خامنہ ای دے مقبوضہ کشمیر بارے بیان دا خیرمقدم کریندوں۔انہاں آکھیا جو مقبوضہ کشمیر اچ شہری شدید مصائب دا شکار ہن۔ترجمان دفتر خارجہ آکھیا جو بھارت مقبوضہ وادی اچ مکمل مواصلاتی بلیک آﺅٹ کر تے اینکوں تریخ دی سبھ توں وڈی جیل اچ بدل چھوڑے۔انہاں آکھیا جو عالمی برادری کوں قتل عام اتے نسل کشی دی شکل اچ وڈے انسانی سانحہ تے توجہ ڈیونڑ چاہیدی ہے۔انہاں آکھیا جوسندھ طاس معاہدہ تحت بھارت پہلی جولائی توں 10 اکتوبر تئیں پانڑیں دے بہاﺅتوں متعلق معلومات ڈیونڑ دا پابند ہے ،جیرھی جو حالی تئیں نی ڈتیاں گن ۔
ترجمان دفتر خارجہ ڈاکٹر محمد فیصل دی ہفتہ وار میڈیا بریفنگ
مضمون کا ماخذ : دیگر کلیدی الفاظ
متعلقہ مضامین
