اسلام آباد ۔ 4 ستمبر (اے پی پی) وزیر اعظم عمران خان کراچی ،طورخم اتے کراچی چمن روٹ سودھے مختلف قومی شاہراہواں تے مختلف اداریاںپولیس، ایکسائز، کسٹمز، رینجرز، ایف سی، کوسٹ گارڈاتے بئے سرکاری اداریاں اتے ایجنسیاں چیک پوسٹاں تے ٹرکاں اتے مال بردار گاڈیاں توں غیر قانونی طور تے پیسے گھنڑ تے سخت نوٹس گھندے ہوئے ہدایت کیتی اے جو اوایں بارے طریقہ کار اتے ای این ڈی کوں ولا ڈیکھن اتے مسلے دے حل کیتے فوری کم کرن،چیک پوسٹاں دی تعداد گھٹاتے مشترکہ چیک پوسٹاں بنڑایاں ونجن اتے نگرانی وی موثر بنڑائی ونجے۔انہاں غیر قانونی وصولیاں پاروں مال برداری اخراجات اتے کاروبار لاگت اچ ودھارا، لوکاں کوں اداریاں توں شکایات اتے اجتماعی کرپشن کوں شہ ملدی پئی اے جڈاں جو ایندے نال حکومتی مشینری دی وی بدنامی تھیندی پئی اے۔وزیراعظم ہدایت کیتی اے جو ہدایت تے 5 اکتوبر تئیں عملدرآمد کیتا ونجے اتے 5 اکتوبر توں بعد چیک پوسٹاں تے رشوت دی شاکتی تے سخت کارروائی کیتی ویسی، متعلقہ اففسران و اہلکاراں دے خلاف کارروائی نہ کرنڑ تے چیف سیکرٹریاں ، آئی جیز اتے ڈی جیز دے خلاف کاروائی کیتی ویسی۔
وزیر اعظم عمران خان قومی شاہراہواں تے ٹرکاں اتے مال گاڈیاں توں غیر قانونی پیسے وٹھنڑ دانوٹس گھن گھدے
مضمون کا ماخذ : میگا سینا آن لائن
متعلقہ مضامین
