اسلام آباد ۔ 6 جولائی (اے پی پی) حکومت دیامر بھاشا اتے مہمند ڈیم دی تعمیر کیتے فنڈقائم کر ڈتے ایں سانگے فنانس ڈویژن نوٹیفیکیشن جاری کرڈتے،فنڈ سٹیٹ بینک، نیشنل بینک اتے بئے بنکاں اچ جمع کرائے ونج سگسن۔ ”دیامر بھاشا اینڈ مہمند ڈیم فنڈ 2018ئ“ دے قیام نال جمع شدہ چندہ ڈیم بنڑاونڑ کیتے استعمال کیتا ویسی۔فنڈ اچ مقامی اتے بین الاقوامی ڈونرزتوں عطیات اتے چندہ وصول کیتا ونج سگسی جڈاں جو بیرون ممالک پاکستانی سفارت خانیاں اچ وی پیسے جمع کرائے ونج سگسن جیہرے اتھوں سٹیٹ بینک آف پاکستان کوں بھجوائے ویسن۔جمع شدہ رقم وفاقی حکومت دے پبلک اکاﺅنٹ اچ رکھی ویسی اتے انہاں اکاﺅنٹس کوں اکاﺅنٹنٹ جنرل پاکستان ریونیو اسلام آباد مینٹین کریسی جڈاں جو ایندا انتظام سپریم کورٹ دے اگلے احکامات تئیں رجسٹرار سپریم کورٹ کولوں ہی راہسی۔
مضمون کا ماخذ : ایڈونچر کی کتاب
