اسلام آباد ۔ 8 جنوری (اے پی پی)وزیر اعظم دے معاون خصوصی سمندر پار پاکستانیز ذوالفقاربخاری سعودی عرب دے شہر تبوک اچ پھسیے 80 پاکستانیاں دی خبر تے نوٹس گھندے ہوئیں ریاض اچ ویلفیئر اتاشی شکور شیخ کوں وختی متاثرین ڈے ونجنڑ دی ہدایت کیتی اے ۔وزارت سمندر پار پاکستانیز دی ترجمان توں جاری بیان دے مطابق معاون خصوصی زلفی بخاری آکھیے جو تبوک اچ پھسیے پاکستانیاں دی ہر ممکن امداد کیتی ویسی ،درجناں پاکستانی مزدوراں دے معاملے دا پتہ اے تے انہاں کوں ریلیف پجاونڑ کیتے کم کریندا پیاں ۔زلفی بخاری آکھیے جو میڈی وزارت کمپنیاں دے نمائندیں دے نال ہنگامی بنیاداں تے ہک اجلاس سڈیے تے ایں گال کوں یقینی بنڑیسی جو ایں دوران خوراک تے راشن اساڈے لوکاں تئیں پجدا رہے ۔
مضمون کا ماخذ : ولف گولڈ
