کراچی ۔ 11 فروری (اے پی پی)صدر مملکت ڈاکٹر عارف علوی سٹیزنز پولیس لیئزان کمیٹی ( سی پی ایل سی) دی کارکردگی دی تعریف کریندے ہوئیں آکھیے جو ایندا دائرہ کار سندھ دے بئے ضلعیاں تئیں ودھایا ونجے، کراچی دے سارے پولیس اسٹیشناں تے سی سی ٹی وی کیمرے لاتے ونجن، پرامن کراچی نال غیر ملکی سرمایہ کاری ودھسی۔ صدر مملکت ایہ گال سنوار کوں سٹیزنز پولیس لیئزان کمیٹی دے مرکزی رپورٹنگ سیل دا دورہ کریندیں آکھی۔ گورنر سندھ عمران اسماعیل وی صدر مملکت دے رلے ہن ۔ ایں موقع تے سی پی ایل سی چیف زبیر حبیب صدر مملکت کو ںادارے دی کارکردگی تے بریفنگ ڈتی۔ ڈاکٹر عارف علوی سی پی ایل سی دی کارکردگی دی تعریف کیتی جو سی پی ایل سی دادائراکار سندھ دے بئے ضلعیاں تئیں ودھایا ونجے۔ گورنر سندھ عمران اسماعیل وی سی پی ایل سی دی کارکردگی دی تعریف کیتی۔ گورنر سندھ آکھیے جو تریمتیں کوں ہراساں کرنڑ اتے سکولاںتے کالجاں اچ منشیات دی روک تھام سانگے ادارہ کم کرے۔ انہاں آکھیے جو سائبر کرائم دے حوالے نال ایف آئی اے توں تعاون گھدا ونجے ،تاں جو انہاں شکایات دا وختی حل تھی سگے۔ سی پی ایل سی چیف ڈسائے جو سی پی ایل سی اتے پولیس وچال بہتر ہم آہنگی اتے وختی کارروائیاں دی وجہ نال کراچی اچ جرائم دی شرح اچ گھٹ تھئی اے ۔
سٹیزنز پولیس لیئزان کمیٹی دے دائرہ کار کوں سندھ دے بئے ضلعیں تئیں ودھایا ونجے ،صدر مملکت ڈاکٹر عارف علوی
مضمون کا ماخذ : اسٹریٹیجیا لاٹوفاسیل
متعلقہ مضامین
