اسلام آباد۔10فروری (اے پی پی):وفاقی وزیر تعلیم و پیشہ ورانہ تربیت شفقت محمود آکھیے جو پاکستان تحریک انصاف دی حکومت دینی مدارس کوں رلے گھن تے ٹرݨ دا فیصلہ کیتے ، اساݙا مشن تعلیم کوں ودھ توں ودھ فروغ ݙیوݨ اے ۔ٻدھ کوں وفاقی تعلیمی بورڈ اچ مدارس دے طلباءاچ تقسیم اسناد (مساوی) دی تقریب توں خطاب کریندے پئے ہن ۔ایں موقع تے انھاں آکھیے جو اساݙا مشن تعلیم کوں ودھ توں ودھ ودھارا ݙیوݨ اے ، اساݙی حکومت دینی مدارس کوں رلے گھن تے ٹرݨ دا فیصلہ کیتے ۔ انہاں آکھیے جو مدارس ٻالاں کوں تعلیم ݙیوݨ دی اہم خدمت کریندے پئن تے او ایں کیتے حکومت توں ھک پیسہ تئیں نی ڳھندے ۔ریاست انہاں دی خدمات کوں منیندی اے تے انہاں کوں رلے گھن تے ٹرݨ چاہندی اے ۔ انہاں آکھیے جو تحریک انصاف دی حکومت ریاست اتے مدارس دے درمیان خلیج ختم کیتے۔ وفاقی وزیرآکھیے جو اساݙے معاشرے اچ شدت پسندی کھنڈیے ہوئے تعلیمی نظام دی وجہ توں آئی اے، پہلی توں پنجویں جماعت تئیں نصاب مکمل تھی چکے ۔ہکو سویں تعلیمی نظام نال معاشرے اچ ونڈ مک ویسی
