قومی اسمبلی اچ اہم قانون سازی تکھے کرݨ سودھے آئینی اتے الیکشن اصلاحات کمیٹی بݨاوݨ تے اتفاق
اسلام آباد۔15مارچ (اے پی پی):سپیکر قومی اسمبلی اسد قیصر نال وزیراعظم دے مشیر پارلیمانی امور ڈاکٹر بابر اعوان سنوار کوں ملاقات کیتی جیں اچ اہم قانون سازی دے عمل کوں تکھا کرݨ سودھے آئینی اتے الیکشن اصلاحات تے کمیٹی تشکیل ݙیوݨ تے اتفاق کیتا ڳئے۔ قومی اسمبلی سیکرٹریٹ موجب کمیٹی دی صدارت سپیکر قومی اسمبلی اسد قیصر کریسن ۔کمیٹی گلگت بلتستان عبوری صوبے متعلق آئینی اتے قانونی پہلواں دا وی جائزہ گھنسی ،کمیٹی اچ اپوزیشن اتے حکومت کوں برابر نمائندگی ݙتی ویسی ۔کمیٹی اپوزیشن دے تحفظات دا وی تفصیلی جائزہ گھن تے متفقہ لائحہ عمل مرتب کریسی ۔کمیٹی الیکشن اصلاحات دے زیر التواء بل دا وی نویں سروں جائزہ گھنسی۔کمیٹی سینٹ الیکشن متعلق آئین اچ ترمیم دے حوالے نال اپوزیشن جماعتاں نال مشاورت کریسی ۔ سپیکر قومی اسمبلی آکھیے جو سینٹ انتخابات تے آوݨ آلے سوالاں دا تدارک ناگزیر اے۔انتخابی اصلاحات ویلھے ای دہم لوڑھ اے ۔قانون سازی دے ذریعے اہم قانونی معاملات اچ اصلاحات گھن آئیاں ونڄ سڳدن
سپیکر قومی اسمبلی اسد قیصر نال مشیر پارلیمانی امور ڈاکٹر بابر اعوان دی ملاقات
مضمون کا ماخذ : کینڈی کیش
متعلقہ مضامین
