اسلام آباد ۔ 20 اگست (اے پی پی) الیکشن کمیشن پاکستانی تارکین وطن کو ںضمنی انتخاب اچ ووٹ دا حق ڈے ڈتا۔ لکھاں پاکستانی 14 اکتوبر کوں تھیونڑ آلے ضمنی انتخاب اچ قومی تے صوبائی اسمبلیاں دیاں سیٹاں سانگے اپنڑے ووٹ دا حق استعمال کر سگسن ۔سنوار کوں الیکشن کمیشن اچ پاکستانی تارکین وطن کوں ضمنی انتخاب اچ ووٹنگ دے معاملے تے سیکرٹری الیکشن کمیشن بابر یعقوب فتح محمد دی صدارت اچ اعلیٰ سطح دا اجلاس تھیا۔ الیکشن کمیشن دے ترجمان دے مطابق اجلاس اچ نادرا تے الیکشن کمیشن دے اعلیٰ حکام شرکت کیتی جڈاں جو اوورسیز پاکستانیاں کوں ضمنی انتخاب اچ ووٹ دا حق ڈیونڑ دے سپریم کورٹ دے فیصلے تے غور کیتا گیا۔ الیکشن کمیشن سمندر پار پاکستانیاں کوں ووٹ دا حق ڈے ڈتا۔ باہرلے ملک رہنڑ آلے پاکستانی 14 اکتوبر کوں تھیونڑ آلے ضمنی انتخابات اچ اپنڑے ووٹ دا حق استعمال کریسن ۔
مضمون کا ماخذ : کوئی شہزادی۔
