اسلام آباد ۔02 دسمبر(اے پی پی) حج 2019ءدے موقع تے حجاز مقدس اچ اﷲ کوں پیارے تھیونڑ آلے 96 پاکستانیاں دے وارثاں کوں وزارت مذہبی امور زر اعانت دے طور تے 4 کروڑ 80 لکھ روپے دی رقم ادا کر ڈتی گئی اے ۔وزارت مذہبی امور دے ذرائع ”اے پی پی“ کوں ڈسائے جو حج 2019ءدے موقع تے مکہ مکرمہ اتے مدینہ منورہ اچ 96 پاکستانی اﷲ کو ں پیارے تھئے ، حکومت پاکستان ولوں حج پالیسی دے تحت زر اعانت دے طور تے فوت تھیونڑ آلے عازم حج یا حاجی دے قانونی وارث کوں 5لکھ دے حساب نال زراعانت دے طور تے رقم ڈیونڑیں ہئی ۔ حج اپریشن پورا تھیونڑ دے بعد وزارت مذہبی امور سعودی حکومت توں حجاز مقدس اچ فوت تھیونڑ آلے پاکستانیاں دی دستاویزات گھدیاں تے اتھاں ساریں دے قانونی ورثاءدا تعین کیتا۔ ساری کاروائی پوری تھیونڑ دے بعد وزارت مذہبی امور96لوکاں دے قانون وارثاں کوں پنج لکھ روپے فی کس دے حساب نال زراعانت دے طور تے چار کروڑ 80لکھ روپے دی رقم بینکاں دے ذریعے ادا کرڈتی اے ۔
وزارت مذہبی امور حج دے موقع تے انتقال کرنڑ آلے 96عازمین دے وارثاں کوں زر اعانت 4 کروڑ 80 لکھ روپے ادا کرڈتن
مضمون کا ماخذ : پاور بال انعامات
متعلقہ مضامین
