اسلام آباد۔3فروری (اے پی پی):وزیراعظم دے معاون خصوصی قومی صحت ڈاکٹر فیصل سلطان آکھیے جو چین دی ویکسین سائنو فارم 86 فیصدموثر اے، پاکستان دی 22 کروڑ آبادی اچ صرف 10 کروڑلوکاں کوں لاتی ویسی ، اٹھارہ سال توں گھٹ عمر دے لوکاں کوں ویکسین کائناں ݙتی ویسی، ساریں توں پہلے فرنٹ لائن ہیلتھ ورکرز دی ویکسی نیشن کیتی ویندی پئی اے ، پوری دنیا اچ ویکسین 18 سال توں اتے دے لوکاں کوں لاتی ویندی پئی اے ۔ اے ڳالھ انہاں ٻدھ کوں نیشنل کمانڈ اینڈ آپریشن سنٹر اچ میڈیا بریفنگ وچ آکھی اے ۔ معاون خصوصی آکھیے جو سائنوفارم قابل بھروسہ ویکسین اے، کوشش اے جو اڄوکے سال دے چھیکڑ تعیں 70 فیصد لوکاں تئیں ویکسین پڄے۔ پاکستان دی 22 کروڑ آبادی اچ صرف 10 کروڑ لوکاں کوں لاتی ویسی ۔ انہاں آکھیے جو ویکسین 86 فیصد تیئں کارگر ثابت تھی سڳدی اے ، ساریں توں پہلے فرنٹ لائن ہیلتھ ورکرز دی ویکسینیشن کیتی ویندی پئی ے ۔پاکستان اچ تکنیکی اعتبار نال ویکسین 10 کروڑ لوکاں کوں لڳ سڳدی اے ، 22 کروڑ آبادی اچوں 10 کروڑ لوکاں کوں ویکسین لڳ سڳدی اے ،چین پاکستان کوں کورونا ویکسین دیاں 5 لکھ خوراکاں تحفے اچ ݙتن ۔ایں ویکسین نال ہک ݙینھ کیتے بخار یا ہلکا درد تھی سڳدے ، ویکسی نیشن دے بعد بخار توں پتہ لڳسی جو ویکسین کارگر ثابت تھیندی پئی اے ۔
