ملتان۔17فروری(اے پی پی)وفاقی وزیر برائے اطلاعات ونشریات شبلی فراز آکھیے جو ساݙی پوری کوشش اے جو آندے عام انتخابات الیکٹرانک ووٹنگ تے تھیون، ایندے نال اوورسیز پاکستانی وی حصہ ڳھن سڳسن، شفاف الیکشن کیتے کوشش جاری راہسی، قوم جاݨ چکی اے جو کون شفاف الیکشن نئیں چاہندے۔ اسلام آباد اچ پریس کانفرنس کریندے انہاں آکھیا جو وزیراعظم اتے پی ٹی آئی دا ہمیشہ توں ایہو موقف اے جو سینیٹ سودھا سارے انتخابات شفاف تھیون، عمران خان اینڄھا الیکشن چاہندن جیندے تے کوئی اعتراض نہ کرے، ہک ݙینھ او ݙینھ وہ آسی ڄݙاں ملک اچ بالکل شفاف انتخابات تھیسن اتے اڄ قوم کوں اے وی پتا لڳ ڳئے جو کون شفاف الیکشن نئیں چاہندا۔ انہاں آکھیا جو مہانگ ہک حقیقت اے اتے ایندے توں لوک پریشان ہین بھل حکومت ایندے کیتے کم کریندی پئی اے، ملک دے معاشی حالات ٹھیک تھیندے پین، محدود وسائل دے باوجود سرکاری ملازمین دیاں تنخواہیں ودھایاں ڳین۔ انہاں زور ݙتے جو 18ویں ترمیم دیاں کڄھ شقاں کوں درست کرݨ دی لوڑھ اے، میثاق جمہوریت اچ ایہے لوک شفاف الیکشن دیاں ڳالھیں کریندے ہن، اساں شفاف الیکشن کراوݨ چاہندے ہیں تاں اے ساݙا گناہ بݨ ڳئے بھل حکومت شفافیت ڳھن تے آسی۔
آندے انتخابات الیکٹرانک ووٹنگ نال کراوݨ چاہندے ہیں، شفاف الیکشن کیتے کوشش جاری راہسی، وفاقی وزیر برائے اطلاعات ونشریات شبلی فراز
مضمون کا ماخذ : شمال کے ڈریگن
متعلقہ مضامین
