کراچی ۔ 11 ستمبر (اے پی پی) صدر مملکت ڈاکٹر عارف علوی آکھیے جو وفاقی اتے صوبائی حکومت دے تعاون گانڈھے نال ترائے سال اچ کراچی دے مسائل حل کیتے ویسن،کراچی پیکیج تے کہیں کوں وی شک نئیں ہوونڑا چاہیدا، 1100 ارب روپے دے پیکیج تے عملدرآمدنال صورتحال چنگی تھی ویسی۔اے گالھ انہاں بابائے قوم قائداعظم محمد علی جناحؒ دے ورھینڑے تے مزار قائد تے حاضری ڈیونڑ توں بعد وزیراعلیٰ سندھ سیّد مراد علی شاہ اتے گورنر سندھ عمران اسماعیل دے کٹھے میڈیا نال الیندے آکھی۔انہاںا ٓکھیے جو اﷲ دی رحمت نال کورونا وبا تے قابو پاونڑ اچ کامیاب رہے ہیں،ایں سانگے عوام، علمااتے مخیر حضرات بہوں حوصلہ ڈکھائے اتے میڈیا ذمہ داری دا مظاہرہ کیتے۔صدر مملکت آکھیا جو مختلف مملک اے سوچنڑ لگ گین جو پاکستان توں بہوں کجھ سکھیا ونج سگدے،پاکستانی قوم جگ دیاں کامیاب قوماں اچ رلنڑ کیتے تیاراے۔ انہاں مزار قائد تے پھل پاتے اتے فاتحہ خوانی کرنڑ توں بعد مہماناں دی کتاب اچ تاثرات لکھین۔
وفاقی اتے صوبائی حکومت دے گانڈھے نال ترائے سال اچ کراچی دے مسائل حل کر ڈتے ویسن، صدر مملکت ڈاکٹر عارف علوی دی بابائے قوم قائداعظم محمد علی جناحؒ دے مزار تے حاضری ، میڈیانال گالھ مہاڑ
مضمون کا ماخذ : کمپیوٹر لاٹری آن لائن
متعلقہ مضامین
