اسلام آباد۔28اکتوبر (اے پی پی) پاک بحریہ شمالی بحیرہ عرب اچ سطح سمندر اتے ہوا توں اینٹی شپ میزائلز فائرنگ دا کامیاب مظاہرہ کیتا،پاک بحریہ دے جنگی بحری جہاز، ہوائی جہاز اتے ہیلی کاپٹر کامیابی نال آپݨے اہداف کوں نشانہ بݨایا،میزائل فائرنگ دا شاندار مظاہرہ پاک بحریہ دی آپریشنل صلاحیتاں اتے حربی تیاریاں دا منہ ٻولیندا ثبوت اے ۔ترجمان پاک بحریہ موجب چیف آف نیول اسٹاف ایڈمرل محمد امجد خان نیازی میزائلز فائرنگ دا مشاہدہ کیتا۔ امیر البحر ایڈمرل محمد امجد خان نیازی پاک بحریہ دی آپریشنل تیاریاں تے مکمل اطمینان دا اظہار کریندے ہوئیں آکھیے جو پاک بحریہ کہیں وی قسم دی جارحیت دا بھرپور جواب ݙیوݨ دی پوری صلاحیت رکھیندی اے ۔انہاں آکھیے جو پاک بحریہ دے جوان اتے آفیسرز ملک دی سمندری سرحداں اتے بحری اثاثیں دے تحفظ کیتے ہر ویلھے تیار ہن ۔
مضمون کا ماخذ : resultados loteria Bahia
