اسلام آباد۔20نومبر(اے پی پی)وزیر اعظم عمران خان آکھیے جو تعمیراتی کم اچ تیزی نال ملکی معیشت ترقی کریسی، لوکاں کوں روزگار ملسی، پنجاب حکومت تعمیراتی کم بارے درخواستاں قوانین دے مطابق تیکھے منظور کرے اتے تعمیراتی شعبے دے مسائل فوری حل کیتے ونڄین۔ اے ڳالھ انہاں قومی رابطہ کمیٹی برائے ہائوسنگ، تعمیرات و ڈویلپمنٹ دے ہفتہ وار اجلاس دی صدارت کریندے کیتی۔ گورنر سٹیٹ بنک بنکاں ولوں نیا پاکستان ہائوسنگ سکیم دے تحت مکانات دی تعمیر کیتے قرض سانڳے سہولتاں بارے ݙسایا۔ بنک الحبیب ولوں ݙسایا ڳیا جو ہݨ تئیں تعمیراتی شعبے کیتے 6 ارب روپے دی منظوری تھی چکی اے۔ چیف سیکرٹری پنجاب ݙسایا جو صوبے اچ 44 ملین مربع فٹ تے تعمیراتی کم کیتے درخواستاں ملین جیندے اچوں 20 ملین مربع فٹ تے تعمیرات دی منظوری ݙتی ڳئی اے، تعمیرات نال جڑیے شعبیاں دی کھپت ودھ ڳئی اے ڄݙاں جو تعمیراتی سرگرمیاں نال پنجاب اچ تقریباً 1 کھرب روپے دی معاشی سرگرمیاں شروع تھیسن۔ اجلاس کوں کے پی کے دے تعمیراتی شعبے تے وی بریفنگ ݙتی ڳئی۔ وزیراعظم عمران خان تعمیراتی شعبے اتے ایندے نال ڄڑے صنعتاں کوں ودھ سوکھ ݙیوں اتے کم تیکھا کرݨ دی ہدایت کریندے ساریاں رکاوٹاں مکاوݨ دے احکامات ݙتے۔ انہاں پاکستان ٹیلی کمیونیکیشن اتے نیپرا کوں سٹیٹ بینک آف پاکستان نال رل تے تعمیراتی شعبے دے مسائل تیکھے حل کرݨ دی ہدایت کیتی۔
تعمیراتی کم اچ تیزی نال ملکی معیشت ترقی کریسی، لوکاں کوں روزگار ملسی، وزیراعظم عمران خان دی قومی رابطہ کمیٹی ہائوسنگ وتعمیرات دے اجلاس اچ ڳالھ مہاڑ
مضمون کا ماخذ : اسکریچ کارڈ کا انعام
متعلقہ مضامین
