اسلام آباد۔2اکتوبر(اے پی پی) پاکستان تےڈنمارک میری ٹائم سیکٹر اچ سرمایہ کاری اتے تشکیل نو دے ح??الے نال مفاہمتی یادداشت تے دستخظ کیتن ۔ بدھ کوں وزارت بحری امور دی طرفوں جاری بیان موجب حکومت پاکستان دی طرفوں وفاقی وزیر بحری امور ق??صراحمد شیخ پائیدار انفراسٹرکچر پراجیکٹ سانڳے پبلک پرائیویٹ شراکت داری دے ح??الے نال مفاہمتی یادداشت تے دستخط کیتن جݙاں جو پاکستان اچ تعینات ڈنمارک دے سفیر جیکب لنلف ڈنمارک دے وزیر صنعت، کاروبار اتے مالیاتی امور دی طرفوں دستخط شدہ ایم او یو پیش کیتا۔ ایں مفاہمتی یادداشت دے بعد مارسک (ڈنمارک دی شپنگ کمپنی) پاکستان دے میری ٹائم سیکٹر اچ تقریباً 2 بلین ڈالردی سرمایہ کاری سانڳے تیار اے ، ایں توں پہلے پاکستان دے میری ٹائم سیکٹر سانڳے اتنی وݙی سرمایہ کاری دے ح??الے نال کئی پیشرفت کائنی تھئی ۔ مفاہمتی یادداشت دی تقریب اچ وزیر خ??ان?? محمد اور نگزیب، وزیر تجارت جام کمال، وزیر منصوبہ بندی احسن اقبال، وزیر صنعت و تجارت رانا تنویر، وزیر توانائی اویس لغاری، ڈائریکٹر جنرل ایس آئی ایف سی میجر جنرل اسد الرحمان وی موجود ہن ، ایں موقع تے وفاقی وزیر ق??صراحمد شیخ آکھیے اساں میری ٹائم سیکٹر اچ ایں شاندار پیش رفت تے ڈنمارک دی حکومت دے بے حد مشکور ہن۔ انہاں مزید آکھیے ایں یادداشت دے نتیجے اچ وزارت بحری امورساریاں بندرگاہواں اچ لاجسٹک دے نظام کوں تکڑا کرسڳدن کراچی اچ جھکے پاݨٰ دا کنٹینر ٹرمینل بݨا سڳدی اے ، بین الاقوامی بحری تنظیم اتے یورپی یونین دے معیارموجب گڈانی اچ جہازاں دی ری سائیکلنگ دیاں سہولتاں بہتر بݨا سڳدن ، پاکستان میرین اکیڈمی دے نصاب اتے ٻیاں چیزاں اچ جدت گھن آوݨ دے نال نال بندرگاہواں کوں مسلسل تکنیکی اتے تربیتی مدد ݙیسی ۔بحری اموردے وزیر ق??صراحمد شیخ پاکستان دی شپنگ انڈسٹری اچ مارسک کمپنی دی اہمیت تے روشنی پاتی انھاں ݙسائے پاکستان اچ کنٹینرائزڈ درآمدات اتے برآمدات اچ مارسک کنے ساریں توں ودھ 20فیصد) مارکیٹ شیئر اے۔ ایں توں انڄ ایں کمپنی دا عالمی مارکیٹ اچ سرمایہ تقریباً 175 بلین ڈینش کرون اے۔ وزارت بحری اموراتےڈنمارک دی حکومت ایں مفاہتمی یادداشت سانڳے گزریل چھی مہینے توں مسلسل کم کریندی پئی ہئی ۔ پاکستان اچ ڈنمارک دے سفیرجیکب لنلف وی ایں پیش رفت تے حکومت پاکستان تے وزیربحری امور دا شکریہ ادا کیتے۔ ݙوہیں فریقین بحری شعبے دی ترقی سانڳے تعلقات کوں تکڑا بݨاوݨ دا اعادہ کیتے۔
