اسلام آباد۔1جولائی(اے پی پی)وزیراعظم عمران خان غذائی تحفظ کوں مستقبل دا وݙا چیلنج قرار ݙیندے آکھیے جو زراعت تے تیکھے توجہ نہ ݙتی تاں فوڈ سیکورٹی قومی سلامتی دا مسلہ ٻݨ ویسی، پاکستان کوں زرعی ش??بے اچ درآمد دی بجائے برآمد کنندہ ٻݨیسوں،اس??ں زرعی تحقیق، بہترین بیج، کاشت دے مخصوص علاقیاں دی نشاندہی، چھوٹے کساناں کوں تربیت تے قرضے ݙیوݨ، کسان کارڈ توں براہ راست سبسڈی اتے جدید ٹیکنالوجی استعمال کر تے غذائی تحفظ سانڳے پاکستان کوں حقیقی زرعی ملک ٻݨیسوں۔ اے ڳالھ انہاں اسلام آباد اچ نیشنل کسان کنونشن نال خطاب اچ آکھی۔ وزیراعظم آکھیے جیویں پاکستان دی آبادی تیکھے ودھدی پئی اے تاں آوݨ آلے ویلھے ایندے کیتے اناج پیدا کرݨ اتے ایندی غذائی لوڑھ پوری کرݨ ہک وݙا مسلہ ہوسی، ساکوں آوݨ آلے ویلھے کیتے تیاری کرݨی ہوسی جو اوکھ نہ تھ??وے، ٻالاں دی ودھوتری کیتے کھیر اتے غذائی ضروریات ہووݨ وݙا مسلہ اے، ایں مسلے تے قابو پاوݨ کیتے چنڳی نسل دے جانور رکھݨ اتے منݙیاں تئیں رسائی دے اقدامات کیتے ویسن، ملک اچ ترقی دے عمل اچ عام لوکاں کوں رلایا ویسی، بہتر پیداوار اتے ودھ منافع کیتے کساںاں دی تربیت، رہنمائی اتے ہر ممکن مدد کیتی ویسی تہوں مدینہ دی ریاست دی ڳالھ کرینداں جو کمزور طبقے کوں تکڑا کیتا ونڄے اتے ملکی ترقی اچ ساجھے دار ٻݨیجے، ساکوں اپ??ے وسائل لوں صحیح استعمال کرݨا ہوسی، بلوچستان، ڄم شدہ قبائیلی علاقیاں، ریگستان اچ نویاں فصلان اتے درخت رہائے ونڄن جو ماحول وی چنگاں تھ??وے اتے زرعی ش??بہ وی ملکی معیشت اچ ودھ ہتھ ونڈاوے، چین دی زرعی ٹیکنالوجی اتے تجربات توں فیدہ چیندے ہوئے چین آلی کار چھوٹے کساناں دا ہتھ ونڈیسوں، زیتون اتے ایوا کاڈو دی کاشت تے توجہ ݙتی ویسی تان جو امپورٹر دی بجائے ایکسپورٹر ٻݨوں۔ وزیر اعظم آکھیے جو میکوں اپ??ی قوم اتے ٹیم تے اعتماد اے، کساناں نال مل تے انہاں دے مسلے حل کریندا راہساں، کسان کوں خوشحال کریسوں جو او پیسہ اپ??ی زمین تے لاوے، ساکوں اللہ اتنے وسائل اتے صلاحیت ݙتی اے جو ساکوں کہیں دے اڳو ہتھ سیدھے کرݨ دی لوڑھ نئیں، زراعت، صنعت، سیاحت اتے عام عوام کیتے تعلیمی سہولتاں ترجیح اے، پاکستان ڄڳ کیتے ہک مثال ٻݨسی۔
زراعت تے تیکھے توجہ نہ ݙتی تاں فوڈ سیکورٹی قومی سلامتی دا مسلہ ٻݨ ویسی، پاکستان کوں زرعی شعبے اچ درآمد دی بجائے برآمد کنندہ ٻݨیسوں، وزیراعظم عمران خان دا قومی کسان کنونشن نال خطاب
مضمون کا ماخذ : کلیوپیٹرا
متعلقہ مضامین
