اسلام آباد۔4ستمبر(اے پی پی) وفاقی وزیرپٹرولیم ڈاکٹر مصدق ملک آکھیے مقامی سطح تے تیل و گیس ڳولݨ سانڳے نویں بلاکس دی نیلامی کیتی ویندی پئی اے ، آف شور گیس ڳولݨ سانڳے غیر ملکی کمپنیاں کوں وی دعوت ݙتی ویسی ، ایں سانڳے مقامی کمپنیاں نال رل تے وی کم کرسڳسوں ، ملک اچ نویں گیس کنکشن تے پابندی پی ٹی آئی دے دور اچ لاتی ڳئی جیں تے موجودہ حکومت وی عمل کریندی پئی اے۔قومی اسمبلی آصفہ بھٹو زرداری دے سو??ل دے جواب اچ ڈاکٹر مصدق ملک ݙسائے گیس دے ذخ??رے گھٹ تھیندے پئن گیس نہ ہووݨ پاروں عوام کوں گیس نی ملدی ایندا حل درآمد کرتے گیس ݙیوݨ اے تاں جو اے گھریلو صارف??ن دی مل گھنݨ دی طاقت توں ٻاہر اے ، چھیکڑی حل ایہو اے جو مہانگی گیس گھن آتے سستی وچی ونڄے تاں جو خزانہ اے ٻوجھ نی جھل سڳدا ایں سانڳے طریقہ کار اے طے کیتا ڳئے جو تیل و گیس ڳولݨ سانڳے نویں بلاکس کوں آکشن کیتا ویندا پئے تاں جو پیداوار ودھے، سم??در اچ گیس ڳولݨ سانڳے عالمی کمپنیاں کو وی سݙیندے پیوں ، مقامی کمپنیاں نال رل تے گیس و پٹرولیم ڳولݨ سانڳے کم کریسوں جیڑھے ذخائر ہن انھاں توں ودھ گیس بݨاوݨ سانڳے وی اقدامات چاتے ویندے پئن ، انھاں ضمنی سو??ل دے جواب اچ آکھیے پاک ایران پائپ لائن تے 18 ارب ڈالر دی کوئی پنیلٹی دا تخمینہ یا مطالبہ نی تھیا اے معاملہ زیر سماعت اے، عالمی سطح تے پابندیاں تے ٻئی اوکھ پاروں جیڑھے اقدامات چیندے پیوں ایوان کوں ایں بارے ان کیمرہ بریفنگ ݙے سڳدوں جیڑھے علاقی?? اچوں گیس نکلدی اے اتھوں پنج کلومیٹرعلاقی?? اچ کنکشن ݙتے ویسن
