اسلام آباد 03 مئي (اے پي پي) د اطلاعات او خپرونو وفاقي وزيرې مريم اورنګزېب وئيلي دي د پاکستان آئين د صحافت د آزادۍ او د وګړو سمو معلوماتو ته د رسنې د حق ضامن دے، د بده مرغه پاكستان كښې د كال 2018 نه تر 2022 د صحافت ډېر سخت وخت تېر شوے ٬ د پي ټي آئي په دور كښې پر اسرار سنسر شپ خبريالان ېرولي، ھغه وخت وزيراعظم ته نړيوالې ادارې د “پرېس فريډم پريډيټر” د شرم وړ خطاب وركړے ؤ ٬ عمران خان نه يواځې د خبريالانو غږ غلے كړے بلكې د دوي قلم ئې مات كړے او دوي ئې اغواء كړې او په ګولو ويشتلې وو۔ د شورو په ورځ د صحافت د آزادۍ نړيوالې ورځ په موقع خپل پېغام كښې وفاقي وزېرې ووئيل نن د پاكستان پشمول ګرده نړۍ كښې د صحافت د آزادۍ نړيواله ورځ لمانځلې شي٬ د وزيراعظم شهباز شريف په مشرۍ كښې اتحادي حكومت د پرېس په آزادۍ پوخ باور لري ۔ وفاقي وزيرې د صحافت د آزادۍ ورځ په موقع ھغه خبريالانو ته پېرزوئنې وړاندې كړې چا چې د صداقت په لټون كښې خپل ځانونه قربان كړي۔ دې ووئيل په كال 2017 كښې په ورلډ پرېس فرېډم انډېكس كښې پاكستان په 139 لمبر ٶ، د پي ټي آئي ميډيا دښمنه پاليسيو له امله د پاكستان درجه بندۍ كښې 12 پوائنټ لا كمے شوے٬ ھغه وخت وزيراعظم ته نړيوالې ادارې د “پرېس فريډم پريډيټر” د شرم وړ خطاب وركړے ؤ ٬ دې ووئېل عمران خان نه يواځې د خبريالانو غږ غلے كړے بلكې د دوي قلم ئې مات كړے او دوي ئې اغواء كړې او په ګولو سوري كړې وو، دې ووئېل د پي ټي آئي څلور كلنه دور خبريالانو لپاره خطرناك ٶ۔ دې ووئيل عمران خان په صحافت قدغن لګولے٬ په دغسې قدغن لګولو دوه څلور ورځې خو خپل موقف وړاندې كېدے شي خو آخر رښتيا تسلېمول وي ۔ د اطلاعات وزيرې ووئيل پخپلو ناكړدو نظرثاني كولو په ځاے ئې د خپلو ناكامو غصه په خبريالانو او صحافتي ادارو وېستلې۔ دې ووئيل نن په هېواد كښې صحافت په بشپړه توګه آزاد دے٬ صحافي ټولنه طاقتوره كوي٬ د چا وېنا ده چې په معلوماتو كښې طاقت دے او خبريال تاسو ته طاقت دركوي٬ دې ووئېل حکومت به خبريالانو تحفظ لپاره عملي اقدامات كوي
د پاکستان آئين د صحافت د آزادۍ او د وګړو معلومات ته د رسنې د حق ضامن دے، د پي ټي آئي په دور كښې پر اسرار سنسر شپ خبريالان ېرولي٬ نن په هېواد كښې صحافت په بشپړه توګه آزاد دے۔ مريم اورنګزېب
مضمون کا ماخذ : estatisticas para ganhar na loteria
متعلقہ مضامین
