لاہور۔9نومبر(اے پی پی)وزیراعلیٰ پنجاب سردار عثمان بزدار آکھیے جو کورونا دے ودھدتے کیسز پاروں متاثرہ علاقیاں اچ شہریاں کوں بچاوݨ کیتے لاک ڈائون لایا ویسی، ٻاھرو نکلدے ویلھے ماسک پاوݨ ڄروری اے، مارکیٹاں اتے بزاراں اچ ایس او پیز دی سخت پابندی کیتی ونڄے، ایں سانڳے عملدراآمد لو ہدایات ݙے ݙتن۔ انہاں آکھیا جو لوکاں دا جیوݨ سوکھا کرݨ کیتے ہر اقدام کریسوں، لوکاں دی حیاتی دا تے نئیں لائی ونڄ سگدی، ایس او پیز تے عملدرآمد اچ کوتاہی برداشت نہ کیتی ویسی۔ انہاں آکھیے جو پنجاب اچ کورونا دے ایکٹو مریضاں دی تعداد6,876 تھی ڳئی اے،24گھنٹے اچ کورونا دے345 کنفرم کیسز سامݨے آئن اتے ہک مریڄ فوت وی تھئے۔ انہاں آکھیے جو ہݨ تئیں پنجاب اچ کرونا دے 2408 مریض فوت تھین۔
مضمون کا ماخذ : میگا مولا۔
