اسلام آباد ۔ 13 اگست (اے پی پی) قوم 74 واں یوم آزادی ایں عزم دے نال منیسی جو بابائے قوم دے افکار اتے مصور پاکستان دے خواباں دی تعبیر پاکستان کوں دنیا دے نقشے تے ہک باوقار اتے قائدانہ کردار دا حامل عظیم توں عظیم تر ملک بنڑیسن۔ ڈینھ دی شروعات مسیتاں اچ استحکام پاکستان تے ترقی ،خوشحالی دیاں خصوصی دعاواں دے نال کیتا ویسی ۔ وفاقی دارالحکومت اسلام آباد اچ 31 جڈاں جو صوبائی دارالحکومتاں اچ 21 ،21 توپاں دی سلامی ڈتی ویسی ، پورے ملک اچ سرکاری عمارتاں تے چراغاں کیتا گئے ،گھراں تے پاکستان دے ساوے پرچم لہرائے گئن تے بازاراں کوں سجایا گئے۔ پارلیمنٹ ہاﺅس اچ خوبصورت برقی قمقمیں ڈی چوک دی رونق ودھا ڈتی اے ۔ مزار قائد تے گارڈز دی تبدیلی دی تقریب تھیسی جڈاں جو اہم حکومتی شخصیات پھلاں دیاں چادراں چڑھیسن ۔ مختلف اداریں اچ تقریبات اچ ملی نغمے تے قیام پاکستان دی جدوجہد دے حوالے نال خصوصی روشنی پاتی ویسی ۔ اخباراں اچ خصوصی ایڈیشن اتے ٹیلی ویژن چینلز تے خصوصی نشریات ہوسن۔ایں ڈینھ دی مناسبت نال صدرمملکت، وزیراعظم اتے اہم حکومتی و سیاسی قیادت دے خصوصی پیغامات جاری تھیسن ۔ایں ڈینھ دی تحریک آزادی کشمیر دے روح رواں بطل حریت سید علی شاہ گیلانی کوں نشان پاکستان ڈتا ویسی ۔ایندے علاوہ وی خدمات تے عسکری تے مختلف شعبیں اچ نمایاں کردار ادا کرنڑ آلیں کوں ایوارڈ ڈتے ویسن ۔نماز جمعہ دے اجتماعات اچ وی وطن دی سلامتی اتے خوشحالی کیتے خصوصی دعاواں منگیاں ویسن ۔کشمیر دی آزادی کیتے وی خصوصی دعاواں کیتیاں ویسن ۔سرکاری ٹیلی ویژن تے قیام پاکستان دے حوالے نال دستاویزی پروگرام نشر کیتے ویسن ۔ مختلف ملکاں اچ پاکستان دے سفارت خانیں تے ہائی کمیشنز اچ وی آزادی دے ڈینھ دیاں تقریباں تھیسن ۔بھارتی غیر قانونی مقبوضہ کشمیر اچ آل پارٹیز حریت کانفرنس اتے بیاں سیاسی جماعتاں اج 14 اگست کوں پاکستان دا یوم آزادی یوم تشکر دے طور تے مناونڑ دا اعلان کیتے جڈاں جو کل 15 اگست کوں بھارت دا یوم آزادی یوم سیاہ دے طور تے منایا ویسی ۔
قوم اج 74واں آزادی دا ڈینھ مادر وطن کوں عظیم توں عظیم بنڑاونڑ دے عزم دے نال منیسی، وفاقی دارالحکومت اچ 31 ، صوبائی دارالحکومتاں اچ 21 ،21 توپاں دی سلامی ڈتی ویسی ، بطل حریت سید علی شاہ گیلانی کوں نشان پاکستان ڈتا ویسی
مضمون کا ماخذ : quina resultados anteriores
متعلقہ مضامین
