میر پور۔ 30 ستمبر (اے پی پی) وزیر اعظم عمران خان آکھیے جو انہاں دی حکومت آزاد کشمیر اچ متاثرین زلزلہ دی بحالی کیتے پیکیج تشکیل ڈیندی پئی اے تے ایں ضمن اچ وختی تے ہرممکن اقدامات کیتے ویسن ۔وزیر اعظم عمران خان سنوار کوں آزاد کشمیر دے زلزلہ توں متاثرہ علاقے میر پور دادورہ کیتا تے امدادی سرگرمیاں دا جائزہ گھدا ۔انہاں کوں متاثرہ علاقے اچ تھیونڑ آلے ریسکو، ریلیف اتے بحالی دے اقدامات بارے ڈسایا گیا ۔ وزیر اعظم کوں ہیلی پیڈ پجنڑ تے این ڈی ایم اے ولوں زلزلے توں متاثرہ علاقیں اچ تھیونڑ آلے ریس کیو ،ریلیف تے بحالی دے حوالے نال چاتے گے اقدامات بارے بریفنگ ڈتی گئی ۔بعد اچ وزیر اعظم ڈویژنل ہیڈکوارٹر ٹیچنگ ہسپتال میر پور اچ زیر علاج زلزلہ متاثرین دی عیادت کیتی۔ ایں موقع تے گال مہاڑ کریندے ہوئیں وزیراعظم آکھیا جو میں اقوام متحدہ اچ ہم تاں زلزلے دا علم تھیا میکوں بہوں افسوس تھے ۔میں وختی اتھاں دورہ کرنڑ چاہندا ہم مگر امیکہ توں واپسی اچ دیر تھی گئی ۔انہاں آکھیا میکوں زلزلے دے نتیجے اچ تھیونڑ آلے جانی تے مالی ضیان تے آزاد کشمیر تے میر پور دے لوکاں نال دلی ہمدردی اے ۔میں انہاں دا ڈکھ محسوس کرسگداں ۔ایں موقع تے وزیراعظم آزاد کشمیر راجہ فاروق حیدر، وزیر خارجہ شاہ محمود قریشی، وفاقی وزیر امور کشمیر علی امین گنڈاپور، چیئرمین این ڈی ایم اے لیفٹیننٹ جنرل محمد افضل، پاکستان تحریک انصاف آزاد کشمیر دے صدر بیریسٹر سلطان محمد چوہدری، تحریک انصاف دے چیف آرگنائزر سیف اللہ نیازی وی انہاں دے رلے ہن ۔
حکومت متاثرین دی بحالی کیتے پیکیج تشکیل ڈیندی پئی اے ،وزیر اعظم عمران خان دی آزاد کشمیر دے زلزلہ توں متاثرہ علاقے دا دورہ کریندے ہوئیں گال مہاڑ
مضمون کا ماخذ : امکان ہے کہ میگا سینا
متعلقہ مضامین
