اسلام آباد ۔ 19 مئی (اے پی پی) وزیر اعظم عمران خان آکھیے جو سماجی تحفظ دا احساس ایمرجنسی کیش پروگرام غریباں دی زندگی سوکھی کرنڑ اچ اہم کردار ادا کریندا پئے ۔ ایں پروگرام دے تحت 87لکھ 50ہزار توں ودھ لوکاں کوں ہنڑ تئیں کورونا وبا نال نبڑنڑ کیتے سہولت ڈیونڑ اچ مدد کیتے 106ارب 50کروڑ روپے توں ودھ رقم ڈتی گئی اے ۔منگل کوں اپنڑے ٹویٹ اچ انہاں آکھیے جو آزادکشمیر اچ ہک لکھ 29ہزار517 لوکاں اچ 1.6168ارب روپے،بلوچستان اچ چار لکھ 3 ہزار712 لوکاں اچ 4.9316 ارب ،گلگت بلتستان اچ 57 ہزار 139لوکاں اچ 0.7259ارب روپے ، اسلام آباد اچ 32410 لوکاں اچ 0.3936 ارب روپے، خیبرپختونخوا اچ ہک لکھ 63ہزار34 لوکاں اچ 20.0757 ارب روپے، پنجاب اچ 37 لکھ 77ہزار837 لوکاں اچ 45.9044 ارب روپے اتے سندھ اچ 2 لکھ 72ہزار42 لوکاں اچ 32.8547 ارب روپے تقسیم کیتے گئن ۔انہاں آکھیے جو مجموعی طور تے ایں پروگرام دے تحت 87 لکھ50ہزار691لوکاں اچ 106.50270ارب روپے تقسیم کیتے گئن ۔
سماجی تحفظ دا احساس ایمرجنسی کیش پروگرام غریباں دی زندگی سوکھی کرنڑ اچ اہم کردار ادا کریندا پئے ، وزیر اعظم عمران خان دا ٹویٹ
مضمون کا ماخذ : آن لائن لاٹری ٹکٹ
متعلقہ مضامین
