اسلام آباد۔17جولائی (اے پی پی):وفاقی وزیر داخلہ ش??خ رشید احمد آ??ھیے جو سی پیک اتے پاک چین دوستی دے دشمناں کوں کہیں صورت معاف نہ کیتا ویسی ،پاکستان امن دا داعی اے چینیاں دی حفاظت اساݙا فرض اے ، وزیراعظم عمران خان جرات دے نال آکھیے جو ہݨ ڈو مور کائنی بلکہ ”نوٍ مور “ ، داسو حادثہ تے وزیراعظم چینی ہم منصب توں فون تے ڳال کیتی اے اتے وزارت داخلہ کوں چینی انجینئرز دی سکیورٹی مزیدسخت کرݨ دی ہدایت کیتی ڳئی اے ، وزیر خارجہ کوں وی چین ونڄݨ دی ہدایت کیتی ڳئی اے ،چینی حکومت اتے عوام کوں یقین ݙویندوں جو انہاں دے لکیے ہتھاں ،سی پیک دشمناں کوں نہ چھوڑیسوں ،چین دے نال ہمالیہ توں اچی یاری اے ،پاکستان کوں ایں یاری تے فخر اے ، اے ڳال وف??قی وزیر داخلہ ہفتہ کوں میڈیا سنٹراسلام آباد اچ پریس کانفرنس توں خطاب کریندے ہوئیں آکھی اے ۔وفاقی وزیر داخلہ آکھیے جو رات وزیراعظم عمران خان دورہ ازبکستان دے کامیاب دورے دے بعد واپس آئے ، اے دورہ کامیاب ترین ہئی،اشرف غنی نال عمران خان دی ملاقات تے وزارت خارجہ ڳال کرسڳدی اے ۔انہاں آکھیے جو پاکستان افغانستان اچ امن چاہندے ۔ ھک سوال دے ولدے اچ وف??قی وزیر داخلہ آکھیے جو کجھ سو پاسپورٹ جنہاں لوکاں نقلی جاری کیتن انہاں اچوں مجموعی طور تے 8 گرفتار کرڳھدن ،19 لوکاں کوں شوکاز نوٹسز جاری کیتن ۔
سی پیک اتے پاک چین دوستی دے دشمناں کوں کہیں صورت معاف نہ کیتا ویسی ،چینیاں دی حفاظت اساݙا فرض اے ،وفاقی وزیر داخلہ شیخ رشید احمد دی پریس کانفرنس
مضمون کا ماخذ : لکی لیپریچون
متعلقہ مضامین
