ٻاہر توں خارجہ پالیسی کوں متاثرکرݨ دیاں کوششاں کیتیاں ویندیاں پئن ،ملکی مفاد تے کوئی سمجھوتہ نہ تھیسی ، ملک دے خلاف تھیوݨ آلیاں سازشاں داکئی مہینے توں علم اے، اڄ دے دوردا پاکستان کہیں دی غلامی قبول نہ کریسی ، وزیراعظم عمران خان داامربالمعروف جلسہ توں خطاب

اسلام آباد۔27مارچ (اے پی پی): ٻاہر توں خارجہ پ??لیسی کوں متاثرکرݨ دیاں کوششاں کیتیاں ویندیاں پئن ،ملکی مفاد تے کوئی سمجھوتہ نہ تھیسی ، ملک دے خلاف تھیوݨ آلیاں سازشاں داکئی مہینے توں علم اے، اڄ دے دوردا پاکستان کہیں دی غلامی قبول نہ کریسی، اڄ دے دور دا پاکستان کہیں دی غلامی قبول نہ کریسی ، ٻاہرلی فنڈنگ توں حکومت تبدیل کرݨ دی کوشش تھیندی پئی اے اساکوں پتہ اے جو کتھوں کتھوں دباؤ آندا پئے ، ٻاہرلی سازش دی تفصیلات ویلھا آوݨ تے قوم کوں ݙسیساں ݙوجھیں دی غلامی تے بھیک منڳݨ آلیاں قوماں کݙاہیں ترقی نی کریندیاں ، قاتل تے مقتول کوںاکھٹاکرݨ آلیں بارے وی علم اے ، جمہوری لیڈرلکݨ دی بجائے بجائے عوام کنے ویندے ۔وزیراعظم ??مران خان آکھیے جو نظریہ پ??کستان دے مطابق اپݨی قوم دی تعمیر کرݨی اے، جݙاں تئیں اساں آپݨے نظریہ تے کھڑے نہ تھیسوں اساں لوکاں دا ہجوم تاں ہوسوں لیکن اساں قوم نہ بݨ سڳسوں ،ساراڈرامہ ایں کیتے تھیندا پئے جو عمران ڳوݙے ٹیک تے انہاں کوں این آراوݙے ݙیوے ، ،جو مرضی کرگھنو، حکومت ویندے اے تاں ونڄے ، جان ویندی اے تاں ونڄے لیکن میں کݙاہیں وی انہاں کوں معاف نہ کریساں ۔ اتوار کوں اتھاں پریڈگراونڈ اچ امربالمعروف جلسہ توں خطاب کریندے ہوئیں وزیراعظم ??مران خان آکھیے جو ساریں توں پہلے او آپݨی قوم دا شکریہ ادا کریندن جیڑھے ملک دی چنڈ چنڈ توں اتھاں آئے ، جیویں ملک توں لوک آئے میں انہاں دا دلوں شکریہ ادا کرینداں ۔وزیراعظم ??لسہ عام اچ موجودارکان قومی اسمبلی کوں خراج تحسین پیش کیتا تے آکھیے جو انہاں کوں پتہ اے جو انہاں ارکان کوں جیویں لالچ ݙتی ڳئی ۔ پیسے ݙیوݨ دیاں کوششاں تھئن ،ضمیرمل گھنݨ دی کوشش کیتی ڳئی میکوں آپݨے انہاں ارکان دے فخر اے ۔ وزیراعظم ??کھیے جو اڄ دا جلسہ امربالمعروف دے عنوان دے تحت تھیندا پئے ۔پاکستان دی قوم کوں یادرکھݨا چاہیدے جو ساݙا ملک ھک نظریہ دے تحت وجوداچ آیا ہئی ۔ نظریہ پ??کستان او نظریہ ہئی جیں اساکوں آپݨےملک کوں ریاست مدینہ دی طرز تے اسلامی فلاحی ریاست دے طورتے کھڑا کرݨا اے ۔ وزیراعظم ??کھیے جو میں توں لوک پچھدن جو میں دین دی ڳالھ کیوں کرینداں،کجھ آکھدن جو میں دین کوں سیاست کیتے استعمال کریندا پیاں۔ وزیراعظم ??کھیے جو اڄ توں 25 سال پہلے جݙاں انہاں آپݨی سیاسی جماعت بݨائی تاں انہاں دا مقصد اے ہئی جو اساں نظریہ پ??کستان دے مطابق اپݨی قوم دی تعمیر کرݨی اے۔ وزیراعظم ??کھیے جو جݙاں تئیں اساں آپݨے نظریے تے کھڑے نہ تھیسوں تاں اساں لوکاں دا ہجوم تاں ہوسوں لیکن قوم نہ بݨ سڳسوں ، نظریہ تے قوم بݨدی اے ۔ وزیراعظم ??کھیے جو انہاں کوں وݙی دیر نال دین دی سمجھ آئی ، 18 سال دی عمراچ ، میں پاکستان توں ٻاہر چلا ڳیا تے کرکٹ کھیݙی جیویں جیویں میکوں دین دی سمجھ آوݨ شروع تھئی تاں ھک چیز واضح سمجھ اچ آئی جو اساݙے نبی ﷺ جیڑھی فلاحی ریاست بݨائی او پاکستان اچ نی البتہ دنیا دے کجھ ملکاں اچ ہے ، معروف اسلامی سکالرمحمدعبدہ جݙاں پہلی واری یورپ ڳئے تاں انہاں ھک مہشور جملہ آکھیا ہئی جو انہاں کوں یورپ اچ مسلمان تاںنظرنہ آئے لیکن اسلام نظرآیا لیکن مصراچ انہاں کوں کو مسلمان نظرآئے لیکن اسلام نظرنی آیا ۔ وزیراعظم ??کھیے جو جݙاں انہاں مغربی معاشرے کوں سمجھیا تاں پتہ چلیا جو فلاحی ریاست کیا ہوندی اے ، میں پہلی واری برطانیہ ڳیا تاں اتھاں ݙٹھا جو ھک فلاحی ریاست کیا ہوندی اے اتے اتھاں تے لوکاں دا مفت علاج تھیندا پیا ہئی ٻالاں کیتے مفت تعلیم ہئی تے بے روزگاراں کوں الاونس ݙتا ویندا ہئی ۔ اینویں غریباں کوں انصاف گھنݨ کیتے عدالتاں اچ مفت وکیل ملدے ۔ وزیراعظم ??کھیے جو اساݙے نبی ﷺ دنیا دی تاریخ اچ پہلی واری اسلامی فلاحی ریاست بݨائی اتے معاشرے دے غریب اتے کمزورطبقات کوں اچے چاتا ، سکینڈے نیویا اتے چین اچ اچ وی انہاں چیزاں کوں ݙٹھا ،چین 70 کروڑ لوکاں کوں غربت توں کڈھیا ، اساݙے نبی ﷺ رحمت للعالمین ہن۔ اے معاشرے اساݙے نبیﷺ دے احکامات تے چلدے پئے ہن ایں کیتے اللہ تعالی اپݨی رحمتاں تے برکتاں نازل کیتیاں۔وزیراعظم ??کھیے جو جیڑھا وی معاشرہ نبی کریم ﷺ دے احکامات تے استوارتھیسی انہاں تے برکتاں تے رحمتاں دانزول تھیسی ۔ نبی کریم ﷺ مدینہ دی فلاحی ریاست بݨائی تاں انہاں تے رحمتیں آئیاں اتے ݙیکھدے ہی ݙیکھدے مسلمان دنیا دی امامت کرݨ لڳیے ، صدیاں تئیں مسلماناں دنیا دی قیادت کیتی ۔وزیراعظم ??کھیے جو نظریہ پ??کستان دامطلب اے ہئی جو ریاست کوں کمزورطبقہ دااحساس ہووے تے میکوں فخر اے جو اساں ایں رستے تے ٹر پیوں دنیا دے کہیں ملک اچ یونیورسل ہیلتھ سسٹم کائںی ،ساݙی حکومت نبی کریم ﷺ دی تعلیمات دے مطابق ہرخاندان کوں 10 لکھ روپے تئیں دی صحت دی انشورنس ݙتی ، میکوں فخر اے جو پاکستان اچ اساں انشورنس متعارف کرائی جیں دی وجہ توں غریب توں غریب آدمی وی پرائیوٹ اسپتالاں توں اپݨا علاج کراسڳدے ۔ وزیراعظم ??کھیے جو احساس راشن شروع کیتا ڳئے تاں جو معاشرے دے معاشی طورتے کمزورطبقات کوں مہانگ دے اثرات توں بچایا ونڄ سڳے ، کامیاب پاکستان پروگرام دے تحت 20 لکھ خانداناں کوں سود دے بغیر قرضے ݙتے ویندے پئن ، انہاں کوں گھر بݨاوݨ کیتے بلاسود قرضے ݙتے ویندے پئن ، ایں خاندان دے ھک بندے کوں تکنیکی تربیت ݙتی ویندی پئؤی اے وزیراعظم ??کھیے جو ساݙے دور اچ ریکارڈ ٹیکس جمع تھئن ، اساں کنے جݙاں گنجائش پیدا تھئی تاں پیٹرول اتے ڈیزل تے فی لیٹر10،10 روپے دی سبسڈی ݙتی ڳئی جیں تے 250 ارب دی لاڳت آسی ۔ اینویں بجلی دی قیمت اچ 5 روپے فی یونٹ کمی کرݙتی ڳئی ، اساں کنے جیویں جیویں پیس?? آسی او قوم تے خرچ تھیسی ۔ وزیراعظم ??لسہ عام اچ موجود لکھاں نینگراں کوں مخاطب کریندے ہوئیں ایں جنون کوں قابو کرتے پاکستان کوں دنیا دی عظیم قوم بݨاوݨا اے ۔وزیراعظم ??کھیے جو او 25 سال توں ایں نظریہ تے کھڑے ہن ت?? انہاں دا ایمان اے جو ملک ایں ویلھے ترقی کریسی جݙاں اساں نبی دی سنت تے چلسوں ۔ ساݙی کوشش اے جو امیراں کوں امیرترکرݨ دی بجائے انہاں توں ٹیکس گھن ت?? غریباں تے خرچ کیتا ونڄے ۔پنج سال جݙاں مکمل تھیسن تاں قوم ݙیکھسی جو کہیں وی دورحکومت اچ اتنی تکھے غربت ختم گھٹ نی تھئی جتنی ساݙے دور اچ تھئی اے ۔ وزیراعظم ??کھیے جو مدینہ دی ریاست دا ݙوجھا اصول انصاف اتے قانون دی حکمرانی ہئی ،نبی کریمﷺ دی تعلیمات ایہا ہن جو اساں توں پہلے قوماں ایں کیتے تباہ تھیاں جو کیوں جو چھوٹا چور جݙاں چوری کرینداں تاں ایکوں سزا ݙتی ویندی جݙاںجو وݙا ڈاکوچوری کریندا تاں اینکوں این ارآوݙے ݙیندے ۔اے صرف پاکستان دی نی بلکہ سارے غریب اتے ترقی پذیرملکاں دی بدقسمتی اے، غریب ملک ایں کیتے غریب کائنی جو انہاں کنے وسائل کائنی ایندی وجہ اے ہے جو انہاں ملکاں اچ وائیٹ کرائم کرݨ آلیں کوں این آراودݙتا ویندے ،انہاں ملکاں اچ وری کرتے آفشوراکاونٹ کھولیے ویندن ت?? انہاں توں ٻاہرلے ملک وݙے وݙے محلات بݨِائے ویندن۔ وزیراعظم ??کھیے وج اے 30 سالاں توں ایں ملک داخون چوسیندے پئے ہن ،انہاں دے آفشوربینک اکاونٹ ہن۔ وزیراعظم ??کھیے جو ساراڈرامہ ایں کیتے تھیندا پیا ہئی جو مشرف واںڳوں عمران گھٹنے ٹیک تے انہاں کوں این آر ݙیوے انہاں دی پہلے ݙینھ توں اے کوشش اے جو حکومت ختم تھیوے، اے آکھدن جو اساں اللہ دی خاص مخلوق ہیسے تے ساݙی چوری کوں معاف کیتا ونڄے ۔ وزیراعظم ??کھیے جومشرف ایں قوم تے ظلم کیتا تے کرسی بچاوݨ کیتے انہاں چوراں کوں این آر او ݙتا جیں دے نتیجے اچ اے 10 سال ملک لٹیندے رہیے ۔ وزیراعظم ??کھیے جو مرضی کرو ، حکومت ویندی اے ونڄے ، جان ویندی اے ونڄے لیکن میں کݙاہیں انہاں کوں معاف نہ کریساں ۔ اساݙے نبی ﷺقانون دی بالادستی قا ئم کیتی ہئی ، حضرت علی دا اچا مقام اے، اوخلیفہ وقت ہوندن ت?? ھک یہودی داکیس لگدے تان حضرت علی کیس ہ?? ویندن کیوں جو قاضی انہاں دے پتر دی گواہی نی منیندا ، اسلامی فلاحی ریاست اچ خلیفہ وقت وی قانون داپابند ہوندے، نبیﷺ فرمایا جو میݙی بیٹی جے چوری کرے تاں انہاں کوں وی سزا ملسی ، مدینہ دی فلاحی ریاست اچ اقلیتاں کوں وی برابرداشہری منیا ویندا ہئی تے انہاں کوں برابرداانصاف ݙتا ڳئے ، اڄ دی دنیا اچ ترقی یافتہ ملکاں اچ وی کہیں اقلیت کوں انہاں دے وزیراعظم ??ے سامݨے انصاف نی مل سڳدا ، انہاں آکھیے جو نبیﷺ نفرت کھنڈاوݨ کتیے نی بلکہ انساناں کوں کٹھا کرݨ آئے ہن انہاں اقلیتاں کوں برابری دے مواقع ݙتے ۔