اسلام آباد۔6ستمبر(اے پی پی) وفاقی وزیر داخلہ محسن نقوی آکھیے دہشتگردی مکاوݨ سانڳے علما کرام اتے ٻئے مذہب دے رہ??ماواں نال مشاورت شروع کرݙتی اے میں تے وفاقی وزیر مذہبی امور سالک حسین ایں قومی مشن کوں اڳوں گھن تے ٹرسوں ، ساریں توں پہلے اساں پاکستانی ہیسے تے ساریں توں پہلے پاکستان اے ، اساکوں جیں بھاہ اچ سٹیا ویندا پئے اساں ایں توں نکلݨا اے ، علما کرام اتے ٻئے رہ??ماؤاں دی مدد نال ہی اساں ایں بھاہ توں نکل سڳدوں۔ او چیئرمین مرکزی رؤیت ہلال کمیٹی م??لا??اعبدالخبیر آزاد دی قیادت اچ سارے مکاتب فکر دے علما کرام تے ٻئے مذہب عالم دے رہ??ماواں نال ملاقات اچ ڳالھ مہاڑ کریندے پئے ہن ۔ وفاقی وزیر مذہبی امور چوہدری سالک حسین وی اتھاں موجود ہن ۔ وزیر داخلہ محسن نقوی آکھیے دہشتگردی مکاوݨ سانڳے اساں ساریں کوں بحیثیت قوم کٹھا تھیوݨا ہوسی، اسلام تے دین کوں استعمال لوکاں کوں ورغلا تے دہشت گردی اچ ملوث عناصر دارستہ روکݨا ہوسی،ریاست دے خلاف ہتھیارچاوݨ آلا بندہ یا تنظیم دہشت گرد اے، ساݙا دین وی اتے آئین وی واضح طورتے آکھدے جو ریاست دے خلاف ہتھیار چاوݨ آلا دہشتگرد اے۔کہیں کوں کہیں وی طور تے قتل کرݨ دی اسلام تے ساݙے ملک دے قانون اچ اصلوں اجازت کائن اساں ملک دی خاطر دہشتگردی دی لعنت دے خلاف ھک مٹھ تھیوݨا اے، اساں یکجہتی اتے اتحاد دا سنھیا ݙیسوں تاں ایندا اثر ٻہوں زیادہ ہوسی تے چنڳاں سنھیا ویسی۔ محسن نقوی آکھیے 6 ستمبر دے حوالے نال اساں اڄ وی انھاں لوکاں کوں موقع ݙیندے پیوں او ریاست دے سامݨے ہتھیار سٹن ، اڄ وی آکھدوں ریاست کوں منو۔ آئین تے قانون کوں منو اڄ وی انھاں کنے موقع اے ،اساں ہر صوبے اچ ویسوں ۔وزرائے اعلی اتے علما کوں ملسوں ایہو سنھیا صوبائی دارالحکومتاں کوں وی ݙیسوں ،صدر مملکت اتے وزیراعظم نال ملاقاتاں اچ وی ایہو سنھیا پڄیسوں ۔ صدر مملکت اتے وزیراعظم وی ایں مقصد سانڳے ݙینھ رات کم کریندے پئن اساکوں اسلام دے ناں دا غلط استعمال بند کراوݨا اے ،دین دے اصل رہ??ما علما کرام اتے مشائخ عظام ہن نہ جو او لوک جیڑھے ریاست دے خلاف بندوق چاتی کھڑن ، اڄ اساں قوم کوں اے سنھیا ݙیوں جو اساں دہشت گردی دے خلاف ھک مٹھ ہیسے ،وزارت داخلہ اتے وزارت مذہبی امور ایں سلسلے اچ ہر ممکن تعاون کریسن ، دہشت گردی متعلق تساڈیاں تجویزاں تے وی عمل کیتا ویسی خاص کر م??لا??اعبدالخبیر آزاد دا شکریہ جنہاں تساں اتھاں کٹھا کیتے ،دہشت گردی دے خلاف متفقہ سنھیا ٻہوں ضروری اے ۔وفاقی وزیر مذہبی امور چوہدری سالک حسین آکھیے اساں رل تے نویں نسل کوں بارود تے بھاہ دے کھیݙ توں بچاوݨا اے نویں نسل کوں محفوظ مستقبل ݙیوݨ سانڳے حکومت ۔ اداریں تے علما کرام رل تے کم کرݨا اے ۔پاکستان سانڳے ساریں کوں کٹھا تھیوݨ دی لوڑھ اے ہر پاکستانی دے جان ومال دا تحفظ ریاست دی ذمہ واری اے۔م??لا??ا عبدالخیبر آزاد ، علما کرام تے ٻئے مذہب دے عالم رہ??ماواں وی خطاب کیتا ۔ملاقات دے بعد متفقہ اعلامیہ دی منظوری ݙتی ڳئی علما کرام و مشائخ عظام ملک اچ انتہاء پسنداں تے دہشت گرداں دے بیانیے کوں مسترد کرݙتا ، اعلامیہ اچ آکھیا ڳئے دین اسلام دین امن اے جیڑھا احترام انسانیت اتے تشدد توں پاک معاشرے دا درس ݙیندے ۔ وطن عزیز پاکستان سانڳے افواج پاکستان دیاں قربانیاں کوں خراج تحسین پیش کریندوں قوم آپݨی بہادر مسلح فوج رے رلے کھڑی اے ۔ اسلام اقلیتاں، تریمتاں تے ٻلاں دے حقوق دا ضامن اے۔ پیغام پاکستان،پاکستان دا اوعظیم بیانیہ اے جیں کوں منبر ومحراب دے ذریعے ہرگھر دی آواز بݨا ݙیسوں اے ویلھا ملک ا انتشار دا نی بلکہ اتحاد و اتفاق اتے قوم اتے اُمت کوں جوڑݨ دا ہے ۔ ملاقات اچ م??لا??ا ضیاء الرحمن امام فیصل مسجد،م??لا??ا محمدطیب قریشی چیف خطیب خیبرپختونخوا،علامہ مختیار احمد ندیم چیف خطیب پنجاب،علامہ شبیر حسن سیکرٹری جنرل شیعہ علما کونسل پاکستان،علامہ عارف حسین واحدی،مفتی گلزار احمد نعیمی،م??لا??ا تنویر احمد علوی،م??لا??ا سردار محمد لغاری،مفتی فرحان نعیم،م??لا??ا عبدالظاہرفاروقی،م??لا??ا عبدالعزیز،م??لا??ا ہارون الرشید بالاکوٹی،علامہ سجاد حسین نقوی،علامہ مصطفی حیدر نقوی،م??لا??ا حسین علی،مفتی یوسف کشمیری، م??لا??ا مقصود احمد توحیدی،م??لا??ا عابد اسرار،قاری بلال گولڑوی،سردار رنجیت سنگھ گیانی،م??لا??ا اکرام الٰہی ظہیر،م??لا??ا عبدالسلام جلالی،مفتی ابو بکرصدیق،علامہ سعید احمد اعوان، م??لا??ا ملک امجد اعوان،ڈاکٹر ارشاد احمد خان،صاحبزادہ عتیق اللہ مظہر، بشپ ڈاکٹر جوزف ارشد،پیر ممتاز احمد ضیاء نظامی،م??لا??ا محمد اقبال نعیمی،علامہ محمد رشید ترابی،فہد جمیل،پروفیسر ظفراللہ جان تے ٻئے راہنماء شریک ہن۔وفاقی سیکرٹری داخلہ ، چیف کمشنر اسلام آباد ، آئی جی پولیس اسلام آباد ، ڈپٹی کمشنر اسلام آباد اتے متعلقہ حکام وی ایں موقع تے موجود ہن
