اسلام آباد ۔ 7 جنوری (اے پی پی)وفاقی وزیر اطلاعات و نشریات چوہدری فواد حسین آکھیے جو وزیراعظم عمران خان دا سیاسی مافیا دی تجاوزات دے خلاف آپریشن کلین اپ کامیابی نال اگو تے ودھدا پئے،ناں عہدے پاروں نئیں کردار پاروں ای سی ایل اچ پاتے اتے کڈھیے ویندن، سپریم کورٹ دے حکم تے بلاول بھٹو اتے وزیراعلیٰ سندھ مراد علی شاہ دا ناں ای سی ایل توں کڈھیا ویسی بھل وزیراعلیٰ سندھ دا ناں کرپشن اچ آونڑ شرم دی گالھ اے، مراد علی شاہ دے استعفیٰ دا مطالبہ اویں موجود اے ،پی ٹی آئی ولوں تفتیشی اداریاں کوں آزادی ملنڑ پاروں کرپشن اچ ملوث 90 فیصد سیاستدان جیل پج چکین،پاکستان دے 20 کروڑ لوکاں دا ہکو مطالبہ اے جو چوراں کوں ہر صورت پکڑتے لٹیا پیسہ ولا گھدا ونجے۔ اے گالھ انہاں اسلام آباد اچ وزیراعظم دے معاون خصوصی برائے احتساب شہزاد اکبردے رلے پریس کانفرنس کریندے ہوئے آکھی۔ انہاں دا آکھنڑ ہا جو سپریم کورٹ اج ہک اہم فیصلہ کیتے جو جعلی اکاونٹس بارے جے آئی ٹی رپورٹ دیاںسفارشاں دے مطابق معاملہ نیب کوں بھجوا ڈتے اتے بلاول بھٹو اتے مراد علی شاہ دا ناں ای سی ایل اچوں کڈھنڑ دا حکم ڈتے جیندے تے عمل کیتا ویسی بھل جعلی بینک اکاونٹس اچ مراد علی شاہ تے سنگین الزامات پاروں انہاں دے استعفے دے مطالبے تے قائم ہیسے۔ انہاں آکھیا جو اے معاملہ پچھلے دور اچ سامنڑے آیا ہا بھل پیپلزپارٹی اتے مسلم لیگ ن دے چارٹر آف کرپشن پاروں اے معاملہ اتھائیں ٹھپ تھی گیا ہا۔ انہاں آکھیے جو مولانا فضل الرحمن زور لیندے پین جو کیویں کرپشن کرنڑ آلے سارے سیاستدان کٹھے تھی ونجین،انہاں کوں مشورہ اے جو ایں اتحاد دا ناں ”اتحاد برائے کرپشن بحالی“ رکھ گھنین،پپہلے اے اقتدار اچ مال لٹیندن،جائیداداں بنڑیندن اتے ول انہاں جائیداداں کوں بچاونڑ کیتے عوام کوں استعمال کریندن بھل ہنڑ عوام انہاں دے لارے اچ نہ آسن۔انہان آکھیے جو پی ٹی آئی سارے چوراں کوں پکڑ تے جیل اچ سٹنڑ اتے قوم دا لٹیا پیسہ ولا گھنڑ دے وعدے تے اگو تے ٹردی پئی اے ،سپریم کورٹ دے حکم توں بعد امید اے جو قومی احتساب بیوروڈو مہینے اچ تحقیقات مکمل کرتے انہاں مقدمیاں کوں انجام تئیں پچیسی۔
پی ٹی آئی ولوں تفتیشی اداریاں کوں آزادی پاروں کرپشن اچ ملوث 90 فیصد سیاستدان جیل پج چکین، وزیر اطلاعات و نشریات چوہدری فواد حسین
مضمون کا ماخذ : اٹلانٹس کا بادشاہ
متعلقہ مضامین
