اسلام آباد۔5فروری(اے پی پی)وزیرداخلہ شیخ رشید احمد آکھیے جو کشمیریاں کوں مارکٹ تے ظلم نی کیتا ونڄ سڳدا،اڄ دا کشمیری نینگر اپݨی آزادی کیتے ہر قربانی ݙیوݨ کوں تیار اے،انشاءاللہ او ویلھا پرےکائنی جݙاں کشمیری اپݨی تقدیردا فیصلہ آپ کریسن، ہندوستان توں آزادی مظلوم کشمیریاں دا مقدر اے، اے ڳالھ انہاں یکجہتی کشمیر دے ݙینھ تے اپݨے سنیہے اچ آکھی اے، وزیر داخلہ آکھیےجو اڄ ساری قوم کشمیریاں نال یکجہتی دا اظہار کریندی پئی اے، پاکستان ہر فورم تے کشمیریاں دے حق اچ اواز چاتی اے، ہندوستان دے فاشسٹ چہرے کوں بے نقاب کیتے اتے ست ݙہاکیاں توں ہک کروڑمظلوم کشمیری دنیا داضمیر جاگݨ دا انتظار کریندے پئن، انہاں آکھیا جواڄ غاصب ہندوستان دے خلاف عملی کم کرݨ دا ویلھا آڳئے۔دنیا اپݨی ذمہ واری چاوے۔فاشسٹ ہندوستان کوں اڄ جے کشمیریاں سودھے ٻئے اقلیتاں دے خلاف ظلم توں نہ روکیا ڳیا تاں خطے اچ بد امنی کھنڈسی ۔
