اسلام آباد۔15فروری(اے پی پی) وزیر خارجہ مخدوم شاہ محمود قریشی منگل کوں مصر دے 3 ݙیہاڑی دورے تے ویسن۔ انہاں کوں دورے دی دعوت مصری ہم منصب سامح شکری ݙتی ہئی۔ ترجمان دفتر خارجہ موجب اے دورہ وزیر اعظم عمران خان اتے مصری صدر عبدالفتاح السیسی دی او آئی سی مکہ سمٹ 2019 اتے اقوام متحدہ جنرل اسمبلی دے نیویارک اچ 74ویں اجلاس ویلھے ملݨ پاروں تھیندا پئے۔ وزیر خارجہ شاہ محمود قریشی اپݨے مصری ہم منصب سودھا مصر دے ٻئے اعلیٰ حکام نال وی ملسن اتے انہاں نال ݙوطرفہ تعلقات، تجارتی و اقتصادی تعاون، علاقائی و عالمی سلامتی دے معاملیاں تے الایا ویسی۔ دفتر خارجہ موجب پاکستان اتے مصر وچال ݙو طرفہ تعاون بارے فریم ورک، مشترکہ وزارتی کمیشن، مشترکہ بزنس کونسل اتے کثیرالجہتی شعبیاں اچ 40 توں ودھ معاہدے چنگے تعلقات دی مثال ہین۔
مضمون کا ماخذ : مایا کا عروج
