اسلام آباد۔15مارچ (اے پی پی):پاکستان آکھیے جو نفرت انگیز تقریر ،گھٹ علمی تے نقلی خبراں دی وجہ توں چلݨ آلی اسلامو فوبیا دی لعنت، پوری دنیا اچ مسلم اقلیتاں کیتے ناقابل تصور مصائب دا باعث بݨدی پئی اے ۔وزیر اعظم عمران خان ودھدے ہوئے منظم اسلامو فوبیا دے سنگین نتیجے بارے شعور جڳاوݨ تے بین المذاہب ہم آہنگی کوں ودھارا ݙیوݨ کیتے کوشاں ہن ۔ترجمان دفتر خارجہ سنوار کوں او آئی سی ولوں منائے ونڄݨ آلے اسلام فوبیا نال نبݨݨ دے عالمی ݙینھ دے موقع تے آکھیے جو وزیر اعظم عمران خان دے وژن دے مطابق پاکستان 15 مارچ کوں نیامی اچ منعقدہ او آئی سی دے وزرائے خارجہ دی کونسل دے 47 ویں اجلاس اچ اسلامو فوبیا نال نبݨݨ دا بین الاقوامی ݙینھ مناوݨ دی قرارداد پیش کیتی ہئی ۔ او آئی سی عالمی سطح تے ایں ݙینھ کوں مناوݨ کیتے عالمی برادری نال رل تے کم کریندی پئی اے ۔ ایں بارے او آئی سی دی متفقہ حمایت پوری دنیا دے ارباں مسلماناں دے جذبات دی عکاس اے۔ پاکستان ،اڄ او آئی سی ارکان دے نال رل تے پہلی واری’اسلامو فوبیا نال نبݨݨ دا عالمی ݙینھ منیندا پئے ایں موقع تے ، او آئی سی گروپ 17 مارچ کوں نیویارک اچ ہک اعلیٰ سطحی تقریب منعقد کریسی ۔دفتر خارجہ آکھیے جو اسلامو فوبیا ٻہوں ساریاں شکلاں اختیار کیتن ۔ جیں اچ منفی پروفائلنگ ، امتیازی قوانین ، با حجاب تریمتاں تے حملے، میناراں تے پابندی ،منفی پروپیگنڈہ، سڄی ٻانہہ دیاں جماعتاں دے منشور،اسلامی علامتاں دی دانستہ تروڑ پھروڑ مقدس جہیں دی بیحرمتی ، اتے اسلام کوں دہشت گردی نال جوڑݨ دیاں کوششاں شامل ہن ، اساں پرامن بقائے باہمی دے نال نال بین المذاہبی اتے ثقافتی ہم آہنگی دی اقدار کوں ودھارا ݙیوݨ کیتے پرعزم اوں ۔
نفرت انگیز تقریر ،گھٹ علمی تے نقلی خبراں دی وجہ توں چلݨ آلی اسلامو فوبیا دی لعنت، پوری دنیا اچ مسلم اقلیتاں کیتے ناقابل تصور مصائب دا باعث بݨدی پئی اے ،ترجمان دفتر خارجہ
مضمون کا ماخذ : راکی
متعلقہ مضامین
