اسلام آباد ۔ 19 اپریل (اے پی پی) وفاقی وزیر قومی تحفظ خوراک تے تحقیق صاحبزادہ محبوب سلطان جمعہ کوں اپنڑے ہک بیان اچ آکھیے حالیہ بارشیں اتے سیلاب نال متاثرہ کساناں سانگے وختی ریلیف دا اعلان کریسوں، پنجاب سمیت بئے صوبیں دے زرعی محکماں نال ہنگامی بنیادیں تے رابطے اچ ہسے ، متاثرہ علاقیاں دا وختی دورہ کریساں ، نقصان دا اندازہ لیندے پئے ہسے ۔ انہاں آکھیا جو ایں مشکل ویلھا اچ اپنڑے کساناں کوں ہر ممکن مدد کریسوں ۔انہاں آکھیا جو وزارت قومی غذائی تحفظ تے تحقیق کو ںصوبہ پنجاب ولوں ملنڑ آلی تازہ رپورٹ مطابق حالیہ سیلاب نال خوراک دی گھٹکی دا کوئی مسئلہ کائنی ہے۔ کنڑک، مکئی، چھولے دی فصل متاثر تھیونڑ دے باوجود انہاں دی گھٹکی دا کوئی خطرہ کائنی ہے۔انہاں آکھیا جو صوبہ پنجاب دی رپورٹ مطابق حالیہ بارشیں دی وجہ نال کنڑک، چھولے اتے مکئی دی فصل متاثر تھئی ہے۔
مضمون کا ماخذ : ولف گولڈ
