اسلام آباد ۔ 13 جون (اے پی پی) وزیر اعظم دے معاون خصوصی برائے صحت ڈاکٹر ظفر مرزا کورونامریضاں کیتے انجکشن دی قلت اتے مہانگیاں دوائیاں ویچنڑتے نوٹس گھندے ہوئے ڈریپ کوں ناجائز منافع خوری تے سخت کارروائی دی ہدایت کیتی اے۔ترجمان موجب کورونامریضاں کیتے ٹوسیلیزوماب (ایکٹیمرا) انجکشن دی منظور شدہ قیمت 11952 فی وایل اے،ڈو سو ملی گرام دا ملھ29882 فی وایل اتے چار سو ملی گرام انجکشن دا ملھ 59764 روپے فی وایل اے ۔ودھ وصولی دی شکایت ڈریپ دے ٹول فری 080003727 نمبرتے کرائی ونجے۔ایں سانگے مارکیٹ اچ ریمڈیسویر انجکشن دی دستیابی کیتے 2 امپورٹرز اتے 12 لوکل مینوفیکچررز کوں اجازت ڈتی گئی اے جڈاں جو ڈرگ پرائسنگ کمیٹی دا اجلاس سڈنڑ دی وی ہدایت کیتی گئی اے۔
مضمون کا ماخذ : کمپیوٹر لاٹری کے نمبر
