پېښور ۔ 20 مئی (اے پی پی) د خېبر پښتونخوا ګورنر فيصل كريم كنډي وئيلي دي د صوبې اولس مجموعي مسائل حل كولو له عزم لرؤ ٬ د مسئلو حل كولو له به خپل آئيني كردار په فعاله ډول ترسره كوم٬ ګورنر هاؤس مو اولس لپاره پرانستے دے۔ د دې خيالاتو څرګندونه ده د ګل په ورځ د پېښور ډويژن او مردان ډويژن اولسي نمائنده جرګې ته په ګورنر هاؤس پېښور كښې خطاب كښې وكړه۔ په نمائنده جرګه كښې د پاکستان پیپلز پارټي عاصمه ارباب عالمګیر، شازیه طهماش، ذوالفقار افغاني ، صوبائی صدر محمد علی شاہ باچه، پخوانے صوبائي صدر نجم الدین خان، شجاع خان، بلند خان ترکئۍ، نوابزادہ عمر فاروق، ډاکټرغزاله عطاء او صاحبزادہ حاجی ګل، نور سياسي او سماجي شخصيات ،د سيمې مشران، ځوانان او د زده كوؤنكو په شمول بېلو طبقو سره تعلق لرونكي كسان شامل وو۔ د جرګې غړو فېصل كريم كنډي ته د ګورنر په حېث د ذمه وارو په سنبالولو مباركي وركړه او ده لپاره يۍ د نېكو هيلو څرګندونه وكړه۔ مشرانو ګورنر د خپلو سيمو اولس ته د پېښو مسئلو په اړه خبر كړو۔ ګورنر ووئيل د وفاق د استازي په حېث به زه د صوبې او وفاق ترمينځه د زياتېدونكې خليج كمولو هڅه كوم دغسې چې د صوبې د اولس د خېر ښېګړې ٬ پرمختګ او سوكالۍ لارې پرانستلې شي۔ ګورنر ووئيل صدر آصف علی زرداري صوبې لپاره اېن اېف سي ايوارډ جاري كړے٬ صوبې ته ئۍ د خېبر پښتونخوا نامه وركولو سره پښتنو ته خپله پېژندګلو وركړې او د 18م بدلون په شكل كښې ئۍ صوبو ته اختيارات وركړي ۔ په دې د صوبې اولس د صدر آصف علي زرداري مننه كوي۔ ده ووئيل د صوبې د اولس حقونو لپاره به په هر اړوند فورم خبره كوم۔ ده هيله ولرله چې د صوبې اولس به ده سره بشپړه مرسته كوي۔ ده ووئيل زمونږ د ټولو مقصد صوبه د پرمختګ او سوكالۍ په لاره روانول دي
د صوبې اولس مجموعي مسائل حل كولو له عزم لرؤ ٬ د مسئلو حل كولو له به خپل آئيني كردار ترسره كوم٬ د خيبر پښتونخوا ګورنر
مضمون کا ماخذ : سلور لائونیس 4x ضرب
متعلقہ مضامین
.jpg)
