راولپنڈی ۔ 4 ستمبر (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر میجر جنرل آصف غفورآکھیا جو کشمیر عالمی سطح تے ان??انی حقوق دی بدترین خلاف ورزی دا مسئلہ بنڑ گئے ،اساں ایندا پر امن حل چاہندوں،کشمیر پاکستان اتے بھارت اچ نظریاتی یا جغرافیائی نی ان??انی حقوق دا عالمی مسئلہ بنڑ گئے جئ??ں دا حل ضروری اے،کشمیری 72سال دے بدترین ظلم تے گزردے پن،اساں کشمیر سانگے آخری گولی،آخری سپاہی اتے آخری حد تئیں ویسوں،پاکستان دی کوششاں بھارت دے 5اگست دے اقدام دی واپسی تئیں محدود کائنی،اساڈا کوئی وی قدم جیڑھا جو بھارت دے حق اچ ویسی او کشمیریاں نال غداری اے،خصوصی حیثیت بدنڑ دا مقصد مقبوضہ کشمیر دی ڈیمو گرافی بدلنڑ اے،کشمیریاں کوں سنھیا ڈیندوں جو آزادی دی جدوجہد اچ انہاں دے رلے ہیسے،بھارت کشمیر دی جدوجہد کوں دہشت گردی نال جوڑنڑ دی کوشش کیتی اے،کجھ لوک سوشل میڈیا تے بہہ کراہیں من گھڑت گالھیں کریندن،مسئلہ کشمیر تے امریکہ نال کوئی ڈیل کائنی تھئی،آرمی چیف جنرل قمر جاوید باجوہ مدت ملازمت اچ توسیع نہ چاہندے ہن،وزیراعظم اجوکے حالات پاروں انہاں دی توسیع کیتی اے۔بدھ کوں میڈیا بریفنگ ڈیندیں ہوئیں پاک فوج دے شعبہ تعلقات عامہ دے ڈائریکٹر میجر جنرل آصف غفورآکھیا جوکشمیر دا مسئلہ اقوام متحدہ دی سلامتی کونسل دی قرارداداں دے مطابق حل تھیونڑاں چاہیدے،بھارت اچ ان??ہا پسندھ آر ایس ایس اتے نازی سوچ پاروں 22کروڑ اقلیتاں کوں خطرہ اے،اساڈی جدوجہد کشمیریاں دے حق خودارادیت گھنڑ اچ اے،آرٹیکل 35 اے اتے آرٹیکل 370 دی موجودگی نال نہ تاں کشمیریاں کوں کوئی ریلیف ملیا ہئی اتے نہ ا??ں دے خاتمے نال بھارتی ظلم و ستم گھٹ تھیے،پاکستان کہیں وی حالات نال نبڑنڑ سانگے تیار اے،پاکستان عالمی برادری کوں جگاونڑ دی کوشش کریندا پے،پاکستان کوئی ایجھا کم کائنا کریسی جئیں نال عالمی امن کوں خطرہ ہووے ۔انہاں آ??ھیا جو اساں کشمیریاں دے نال ہاسے،کھڑے ہیسے اتے کھڑے رہسوں،کشمیری اپنڑاں حق خودارادیت گھن تے رہسن،آزادی دی جدوجہد لمبی اے۔انہاں آ??ھای جو مودی دی اے کوشش ہوسی جو ظلم ودھے تانجو ردعمل کوں دہشت گرد قرارڈتا ونج سگے۔انہاں آ??ھیا جو افغانستان اچ 40سالیں توں جاری بدامنی دا پاکستان تے وی اثر پے،۔پاکستان امن سانگے بھرپورکوششاں کیتن اتے اجوکے امن عمل کوں وی پاکستان دی حمایت حاصل اے،افغانستان اچ بد امنی پاروں اساڈے ڈو لکھ فوجی افغان سرحد تے تعینات ہن۔72سالیں توں بدقسمتی نال عالمی برادری ایں پاسے اتنی توجہ نی ڈتی جتنا ایندا حق ہئی ۔انہاں آ??ھیا جو بھارت ولوں 5اگست دے اقدام دے بعد مقبوضہ کشمیر اچ ان??انی حقوق دی خلاف ورزیاں ودھ گئن ہنڑ اے کشمیر عالمی سطح تے ان??انی حقوق دی بدترین خلاف ورزی دا مسئلہ بنڑ گئے جئ??ں دا حل ضروری اے۔انہاں آ??ھیا جوبھارت اے گالھ یاد رکھے جو جنگاں صرف ہتھیاراں اتے مضوط معیشت نال نی لڑی ویندی،انہاں سانگے حب الوطنی،عوام دا اتحاد اتے سپاہ دا جذبہ ضروری اے۔
بھارت اے گالھ یاد رکھے جو جنگاں صرف ہتھیاراں اتے مضوط معیشت نال نی لڑی ویندی،انہاں سانگے حب الوطنی،عوام دا اتحاد اتے سپاہ دا جذبہ ضروری اے،پاک فوج دے شعبہ تعلقات عامہ دے ڈائریکٹر میجر جنرل آصف غفوردی میڈیا بریفنگ
مضمون کا ماخذ : bolão quina
متعلقہ مضامین
.jpg)
