اسلام آباد ۔ 03 اگست(اے پی پی) وفاقی وزیر جنرل (ر) عبدالقادر بلوچ آکھے جو اے تاثر درست کائنی جو ملک اچ ہر جاہ تے لاقانونیت ہے’ ہندو مسلمان برابر دے پاکستانی شہری ہن ، مذہب دی بنیاد تے کئی تفریق کائنی رکھی ویندی پئی ۔ بدھ کوں قومی اسمبلی اچ نکتہ اعتراض تے ڈاکٹر رمیش کمار آکھیا جو ملک اچ ساکوں انسانی حقوق دی خلاف ورزیاں تے توجہ ڈیونڑاں ہوسی ۔ جڈاں وی اساں کئی مسئلہ چیندے ہئیں تاں آکھیا ویندے جو کئی وی لاقنونیت کائنی ۔ ایندے تے پیپلز پارٹی دے رکن عبدالستار باچانی کوں کاوڑ لگ گئی اتے انہاں آکھیا جو بغیر اجازت دے بولنڑ شروع کرڈتے ۔ وفاقی وزیر جنرل (ر) عبدالقادر بلوچ آکھیا جو اساں سارے پاکستانی ہئیں ، مرکز اتے صوبیاں اچ نظام موجودہن ۔اے آکھنڑ ٹھیک کائنی جو ہر جاہے تے لاقنونیت ہے ۔ ہندو ہوے یا مسلمان ہر ہک ملک دا شہری ہے ۔ مذہب دی بنیاد تے کئی فرق کائنی رکھیا ویند ا۔ آئین وی ایندی اجازت نہیں ڈیندا۔ ایاز سومرو آکھیا جو فاضل حکومتی رکن الزام لاتے جو لاڑکانہ اچ دھرم شالہ کوں بھالاڈتی گئی ہے جیہڑ ا جو درست کائنی۔ ایں ایوان اچ سارے رکناں نال ہکو سنواں سلوک تھیندے ۔
ملک اچ ہر جاہ تے لاقانونیت دا تاثردرست کائنی ، ہندو مسلمان برابر دے پاکستانی شہری ہن ، وفاقی وزیر جنرل (ر) عبدالقادر بلوچ
مضمون کا ماخذ : گونزو کی تلاش
متعلقہ مضامین
