یوٹیلیٹی سٹورزکارپوریشن کیتے 50 ارب روپے سمیت 6 ضمنی گرانٹس دی منظوری
اسلام آباد ۔ 8 اپریل (اے پی پی) کابینہ دی اقتصادی رابطہ کمیٹی (ای سی سی) وزیراعظم دے ریلیف پیکج دے تحت یوٹیلیٹی سٹورزکارپوریشن کیتے اعلان کیتے گئے50 ارب روپے دی منظوری سمیت مزید 6 ضمنی گرانٹس دی منظوری ڈتی اے ۔اقتصادی رابطہ کمیٹی دا اجلاس بدھ کوں اتھاں کابینہ ڈویژن اچ وزیراعظم دے مشیربرائے خزانہ ومحصولات ڈاکٹرعبدالحفیظ شیخ دی زیرصدارت منعقد تھیا ۔اجلاس اچ چھی ضمنی گرانٹس دی منظوری ڈتی گئی ، وزیراعظم یوتھ لون سکیم تے عمل درآمدکرنڑ آلی ایجنسیاں کیتے جاری مالی سال کیتے 84 کروڑ 20 لکھ روپے، پاکستان نیوکلئیرریگولیٹری اتھارٹی کیتے 90.459 ملین روپے اتے پنجاب رینجرزکیتے 5 ملین روپے دی ضمنی گرانٹس دی منظوری ڈتی ، پنجاب رینجرزکیتے 5 ملین روپے دی ضمنی گرانٹس نال وزارت دفاع ہیلی کاپٹردی مرمت کیتے فاضل پرزہ جات گھنسی۔ اجلاس اچ فرنٹئیرکانسٹیبلری ہیڈکوارٹرز کیتے 2.074 ملین روپے دی ضمنی گرانٹ دی منظوری ڈتی گئی ، اے امریکی سفارتخانہ توں گرانٹ دی شکل اچ موصول تھئن تے ایندے نال مچنی شبقدراچ فرنٹئیرکانسٹیبلری کیتے تربیتی مرکز دی تعمیر عمل اچ گھن آئی ویسی ۔ کمیٹی وزارت توانائی کیتے 1.5 ملین ڈالر دی ضمنی گرانٹ دی منظوری وی دتی اے رقم میسرزکاردے خلاک بین الاقوامی عدالتی چارہ جوئی اچ ریاست پاکستان ولوں وکلاءدی خدمات دی ادائیگی کیتے استعمال کیتی ویسی ۔ای سی سی وزارت اطلاعات ونشریات کیتے 300 ملین روپے ضمنی گرانٹ دی وی منظوری ڈتی ، اے رقم آندے ترائے مہینے اچ احساس پرورگرام دے ابلاغی مہم کوں چلاونڑ کیتے استعمال کیتی ویسی ۔اقتصادی رابطہ کمیٹی نے وزیراعظم دے ریلیف پیکج دے تحت یوٹیلیٹی سٹورزکارپوریشن کیتے اعلان کیتے گئے 50 ارب روپے دی منظوری وی ڈتی۔چئیرمین کمیٹی کارپوریشن کوں کوروناوائرس دی وباءنال پیدا تھیونڑ آلی صورت حال تے رمضان مبارک دے تناظر اچ عوام کوں گھٹ قیت تے چیزاں دی فراہمی کوںیقینی بنڑاونڑ دی ہدایت کیتی ۔
مشیر خزانہ ڈاکٹرعبدالحفیظ شیخ دی زیرصدارت اقتصادی رابطہ کمیٹی دا اجلاس
مضمون کا ماخذ : ولف گولڈ
متعلقہ مضامین
