اسلام آباد ۔ 18 فروری (اے پی پی) سعودی ولی عہد شہزادہ محمد بن سلمان سنوارکوں ایوان صدر پجے تاں انہاں داپر تپاک استقبال کیتا گیا ۔ صدر مملکت ڈاکٹر عارف علوی ایوان صدر دے مرکزی دروازے تے سعودی ولی عہد دا والہانہ خیرمقدم کیتا ۔ایں موقع تے وفاقی کابینہ دے ارکان وی موجود ہن ۔ سعودی ولی عہد محمد بن سلمان وزیراعظم عمران خان دے رلے روایتی بگھی اچ سوار تھی تے ایوان صدر پجے ۔ ایں موقع تے پریذیڈنٹ باڈی گارڈ دا دستہ وی رلے ہئی ۔ رستے تے مختلف ثقافتی طائفے موجود ہن جیرھے جو مختلف صوبیں اتے علاقیں دی ثقافت دی عکاسی کریندے پئے ہن۔ سعودی ولی عہد کوں پاکستان دا اعلیٰ ترین سول اعزاز ”نشان پاکستان“ عطا کیتا ویسی جڈاں جو صدر مملکت ولوں انہاں دے اعزاز اچ ظہرانہ وی ڈتا ویسی۔
مضمون کا ماخذ : لافانی رومانس
