اسلام آباد۔20نومبر (اے پی پی):وفاقی وزیر انسانی حقوق شیریں مزاری آکھیے جو پاکستان دا آئین ٻالاں کوں واضح حقوق ݙٰیندے ۔پاکستان ٻالاں دے حقوق بارے عالمی کنونشن تے وی دستخط کررکھین ، ملک اچ وی ٻالاں دے حقوق دے تحفظ بارے ٻہوں سارے قوانین بݨ چکن لیکن لوکاں کوں انھاں قوانین بارے معلومات نہ ہووݨ پاروں ایندے تے عمل درآمد نی تھی سڳیا ۔ ’عالمی یوم اطفال‘ دے موقع تے ڄمعے کوں آپدے بیان اچ وفاقی وزیر شیریں مزاری آکھیے جو 20 نومبر کوں پوری دنیا اچ ٻالاں دا عالمی ݙینھ منایا ویندے ۔انھاں آکھیے ملک اچ ٻالاں دے حقوق دے تحفظ کیتے ٻہوں سارے قوانین بݨ ڳئن ،انھاں آکھیے اساں قوم دی ذہنیت کوں بدالݨاں اے ۔آگاہی پروگرام وی شروع کر ݙتن تاں جو لوکاں کوں ودھ توں ودھ معلومات مل سڳے ،اساں زینب الرٹ ایپ وی شروع کر ݙتی اے ،اگر کہیں ٻال دے نال ظلم تھیندے تاں ایں ایپ تے فوراً رپورٹ کیتی ونڄ سڳدی اے ۔
ٻالاں دے حقوق دے تحفظ کیتے تیار کیتے ڳئے قوانین تے بھرپور طریقے نال عمل درآمد کیتا ونڄݨاں چاہیدے ، وفاقی وزیر انسانی حقوق شیریں مزاری
مضمون کا ماخذ : loteria de Minas Gerais
متعلقہ مضامین
