اسلام آباد۔8فروری (اے پی پی)وزیراعظم عمران خان آکھیے جو لوکاں تے ارباں روپے دے کیس ہن تے او این آر او منڳدے پئن ۔جݙاں ملک دا وزیراعظم ،وزیر چوری کرے تاں ملک تباہ تھی ویندے ،قانون دی حکمرانی تے نظام انصاف نال ہی معاشرہ خوشحال تھی سڳدے ایں کیتے قوم کوں ساتھ ݙیوݨاں پوسی ۔علما و مشائخ کانفرنس توں خطاب کریندے ہوئیں وزیراعظم آکھیے جو غریب چوری کریندے تاں جیل اچ ویندے منجھ چوری کرݨ آلیں کوں جیل اچ پاتا ڳیا لیکن وݙے چوری کرتے پیسہ ٻاہر چا ڳئن تے این آراومنگدن ،چھوٹی چوری کرݨ آلیں نال ملک تباہ نی تھیندا وݙی چوری کرݨ آلیں دی وجہ توں ملک کامیاب نی تھیندا ۔ وزیراعظم آکھیے جو ہک بندہ سپریم کورٹ توں مجرم قرار ݙتا ڳئے تے کوڑ مارتے ٻاہر بھڄ ڳئے ، ھک بندہ لوکاں دے پیسے چوری کرتے ملک توں بھڄ ڳئے تے کجھ صحافی اوں چور دی تقریر کھلواوݨ کیتے عدالت پڄ ڳئن افسوس دامقام اے کجھ صحافی ھک مجرم کیتےعدالت اچ ڳئن جیڑھا معاشرے دے پیسےچوری کریندے انکوں معاشرہ قبول نی کریندا جݙاں قوم چنڳے تے برےدی تمیز ختم کرے تاں او تباہ تھی ویندی اے ، انھاں ݙٖے ارباں دیاں جائیداداں ہن ایندا جواب نی ݙیندے پئے ، کرپٹ لوک ٹی وی تے ٻہہ تے ایجھیاں ڳالھیں کریندن جیویں جو انہاں دے علاوہ کوئی ایماندار کائنی ، یورپ اچ کرپشن کرݨ آلا تقریر تاں پرے دی ڳالھ اے عوم اچ ٻہہ وی نی سڳدا ۔وزیراعظم آکھیے جو غریب ملک ݙیکھ گھنن اتھاں کیڑھی قسم دیاں چوریاں کیتیاں ڳئن ہرسال ھک ہزارارب ڈالرغریب ملکاں توں چوری کیتی ویندی اے ایجھے غریب ملکاں اچ وی اینویں تھیندا پئے اتھاں ݙو قانون ہن غریب ملکاں اچ وی غریب کیتے انج تے امیر کیتے انج قانون اے ،ھک ملک اچ ݙو انج قانون نی چل سڳدے او ملک کامیاب نی تھیندا ،مدینہ دی ریاست اچ غریب تے امیر کیتے ہکو قانون ہوندا ہئی ۔انہاں آکھیے جو مسلماناں دی ہجرت دے15،20سال بعد2سپرپاورگھٹنےٹیک ݙتے ، دنیا ݙٹھے جو کیجھا انقلاب اے جیڑھے لوکاں کوں آپݨے طریقے نال مسلمان کریندے پئن ، قانون دی بالادستی دےبغیرکوئی وی معاشرہ اڳوں نی ودھ سڳدا ، علماومشائخ توں درخواست اےعوام اچ صفائی متعلق پیغام ݙیون ، صفائی صرف فنڈزلاوݨ نال نی عوام کوں شعور ݙیوݨ نال آسی اساݙے نینگرں کوں وی صفائی متعلق کم کرݨا چاہیدے ، صفائی نصف ایمان اے،اساݙی تاریخ تاں ٻہوں سوہݨی ہئی ایمانداری اتے صفائی مسلماناں دی سنڄاݨ ہوندی ہئی ، اذان ویلھے مسلمان اپݨا کاروبار کھلا چھوڑ تے چلیے ویندے ہن ۔
