اسلام آباد۔19فروری(اے پی پی)وزیر خارجہ مخدوم شاہ محمود قریشی آکھیے جو پاکستان، افغانستان دے امن واستحکام اتے تعمیر و ترقی کیتے کردارادا کریندا رہسی، افغانستان اچ امن پورے خطے کیتے اہم اے۔ اے ڳالھ انہاں افغانستان دی مسعود فاؤنڈیشن دے چیئرمین احمد ولی مسعود نال الویندے آکھی۔ انہاں افغان امن عمل سودھا باہمی دلچسپی دے معاملیاں تے الوایا۔ وزیر خارجہ آکھیا جو پاکستان، افغانستان اچ سب توں ودھ امن چاہندے، پاکستان، افغان امن کیتے خلوص نیت نال مصالحانہ کوششاں کیتن، ایں سانڳے امریکا اتے طالبان اچ مذاکرات کامیاب تھین اتے امن معاہدہ تھئے۔ انہاں آکھیا جو کڄھ بیرونی قوتاں افغان امن عمل ناکام بݨاوݨ کیتے متحرک ہین جیندے تے اکھ رکھݨ دی لوڑھ اے۔ ملاقات اچ سیکرٹری خارجہ سہیل محمود اتے وزیراعظم دے نمائندہ خصوصی برائے افغانستان ایمبیسڈر محمد صادق وی موجود ہن۔
مضمون کا ماخذ : گرم سے زیادہ گرم
