اسلام آباد۔27دسمبر (اے پی پی) وزیراعظم محمد شہباز شریف افغان حکومت تے زور ݙتے جو او آپݨی سرزمین توں تحریک طالبان پاکستان(ٹی ٹی پی) دی کارروائیاں روکے، ہک پاسہ تعلقات ودھاوݨ دی خواہش کیتی جڈانجو ݙوجھے پاسوں ٹی ٹی پی کوں کھلی چھٹی اتے افغانستان توں پاکستان تے حملے، اے ݙوعملی قبول کائنی، اساں پاکستان دی سالمیت دے تقاضیاں دا دفاع کریسوں۔ جمعے کوں وفاقی کابینہ دے اجلاس توں خطاب کریندیں ہوئیں وزیراعظم آکھ??ا جو افغانستان اساݙا ہمسایہ اتے برادر ملک اے جئیں نال اساݙی ہزاراں کلومیٹر لمبی سرحد اے۔ اوندے نال تعلقات بہتر ٻݨاوݨ، معاشی تعاون، تجارت ودھاوݨ اتے تعاون ودھاوݨ اساݙی خواہش اے پر بدقسمتی نال ٹی ٹی ??ی اڄ وی اتھاں آپریٹ کریندی پئی اے اتے پاکستان اچ بے گناہ لوکاں کوں شہید کریندی پئی اے۔ اے پالیسی نی چل سڳدی۔ انہاں کوں کہیں صورت پاکستان دی بے گناہ عوام کوں شہید کرݨ دی موکل نی ہووݨی چاہیدی۔ اے اساݙے کیتے ریڈ ??ائن اے۔ اگر ٹی ٹی ??ی اڄاں وی افغان سرزمین توں آپریٹ کریسی تاں اے اساݙے کیتے کہیں صورت قبول کائنی۔ انہاں افغان حکومت تے زور ݙتا جو او ایں بارے حکمت عملی ٻݨاوے۔ ایں موقع تے وزیراعظم محمد شہباز شریف سابق وزیراعظم بے نظیر بھٹو کوں انہاں دی 17ویں برسی دے موقع تے خراج عقیدت پیش کریندیں ہوئیں آکھ??ا جو او ہک جرات مند اتے دلیر رہنما اتے اسلامی دنیا دی پہلی تریمت وزیراعظم ہن۔ سیاست اچ مفاہمت تے یقین رکھیندی ہن۔ انہاں نواز شریف نال میثاق جمہوریت کیتا جئیں دی سیاسی جماعتاں پذیرائی کیتی۔ ملک اتے جمہوریت کیتے انہاں دے خدمات اتے قربانیاں یاد رکھی ویسن۔ انہاں محترمہ بے نظیر بھٹو شہید دے درجات دی بلندی کیتے دعا کیتی اتے صدرمملکت آصف علی زرداری اتے بے نظیربھٹو شہید دے صاحبزادے بلاول بھٹو زرداری اتے انہاں دے ٻھیݨٰن نال ہمدردی کیتی۔ وزیراعظم وفاقی کابینہ کوں پارا چناراچ این ڈی ایم اے دے ذریعے ہیلی کاپٹرزبھجوا تے دوائیں دا ݙسیا۔ انہاں ݙس??ا جو ہک ٹن دوائیں پارا چنار ٻھجوئی ڳئن اتے اتھاؤں زخمیاں کوں ہیلی کاپٹر تے بہتر علاج کیتے اسلام آباد پڄایا ڳئے۔ وزیراعظم دہشت گردی دے خلاف صف آرا افواج پاکستان اتے قانون نافذ کرݨ آلے اداریاں دی قربانیاں کوں خراج تحسین پیش کریندیں ہوئیں آکھ??ا جو کڄھ ݙینھ پہلے ہک واقعے اچ ایف سی دے 16 جو??ن شہید تھین جڈانجو شمالی وزیرستان اچ ت??یوݨ آلے ہک معرکہ اچ کئی خوارج کوں جنہم واصل کیتا ڳئے۔ ایں معرکے اچ ہک میجر اتے جوان وی شہید تھیے۔ وزیراعظم کابینہ کوں آذربائیجان دےصدر نال آپݨی گزریل ݙینھ ٹیلی فون تے تھیوݨ آلی ڳالھ مہاڑ دا وی ݙسیا۔ وزیراعظم آکھ??ا جو پاکستان اچ آئی سی سی دے ایونٹس تھیندے پئن جو کرکٹ شائقین کیتے خوشخبری اے۔ ایں کیتے تیاریاں پوری ہن۔ وزیراعظم کابینہ کوں اے ڈی آربارے پیشرفت بارے ݙسیا اتے نائب وزیراعظم ، وزیر خزانہ اتےسٹیٹ بنک دے گورنر دے کردار تعریف کیتی۔ وزیراعظم ݙس??ا جو قومی خزانے کوں ایں کوشش نال ستر ارب روپے ملسن اتے آندے ترائے سالیں اچ 140 ارب روپے دے لھگ بھگ رقم خزانے اچ امسی۔
افغان حکومت آپݨی سرزمین توں ٹی ٹی پی دی کارروائیاں روکے، افغانستان توں پاکستان تے حملے ناقابل قبول اے اساݙے کیتے ریڈلائن اے، وزیراعظم شہباز شریف
مضمون کا ماخذ : ایڈونچر کی کتاب
متعلقہ مضامین
