اسلام آباد ۔ 30 ستمبر (اے پی پی) معاون خصوصی سماجی تحفظ و تخفیف غربت ڈاکٹر ثانیہ نشتر آکھیے جو احساس ایمرجنسی کیش ادائیگیاں دے سلسلے اچ او اہل لوک جنہاں دے انگلیاں دے نشانات دی تصدیق دے مسئلے درپیش ہن او آن لائن احساس پورٹل تے اج آپ دیاں درخواستاں جمع کراون ۔آپنڑے ٹویٹ اچ ڈاکٹر ثانیہ نشتر آکھیے جو 30 ستمبر2020 درخواست جمع کراونڑ دی آخری تاریخ اے ۔ احساس پورٹل اج رات 12 وجے بند تھی ویسی۔احساس ویب پورٹل دا لنک درج ذیل ہے۔ http://complaints.pass.gov.pk۔ ایں پورٹل دے ذریعے درخواست ڈیونڑ آلے صارفین کوں بینکاںدیاں برانچاں اچ ادائیگیاں30 اکتوبر تئیں جاری رہسن ۔او لواحقین جنہاں دے ا ہل لوک فوت تھی گئن او آپنڑی درخوست معاون خصوصی سماجی تحفظ و تخفیف غربت ڈاکٹر ثانیہ نشتر دے ناں براہ راست درخواست بھیجن۔ اج درخواست بھیجنڑ دی چھیکڑی تاریخ اے ۔ایں درخواست دے نال فوت تھیونڑ آلے اہل لوک نادرا(NADRA) توں تصدیق شدہ ڈیتھ سرٹیفیکیٹ وشناختی کارڈدیاں کاپیاں اتے خاندان اچ موجود اہل فرد دا ناں و شناختی کارڈ دیاں کاپیاں منسلک کرنڑ لازمی اے۔ مطلوبہ درخواست بنام ڈاکٹر ثانیہ نشتر، ایف بلاک، پاک سیکرٹریٹ، اسلام آباد دے پتہ تے بھیجی ونجے متعلقہ لوکاں کوں ادائیگیاں 30اکتوبر تئیں جاری رہسن۔
آن لائن احساس پورٹل تے درخواست جمع کروانے دی اج آخری تاریخ اے، ڈاکٹر ثانیہ نشتر
مضمون کا ماخذ : جیتنے والی لاٹری
متعلقہ مضامین
