وزیراعظم عمران خان دا ٹائیگر فورس کنونشن نال خطاب

اسلام آباد۔17اکتوبر (اے پی پی)وزیراعظم عمران خان آکھیا جو حکومت مخالف اپوزیشن اتحاد پاکستان ڈیموکریٹک موومنٹ (پی ڈی ایم)دے پہلے جلسے کوں سرکس آکھدیں ہوئیں آکھیا جو مسلم لیگ ن دے قائد نواز شریف دا اجوکا بیان آرمی چیف نی فوج تے حملہ اے۔اسلام آباد اچ ٹائیگر فورس کنونشن نال خطاب کریندیں ہوئیں انہاں ٹائیگر فورس کوں خوش آمدید آکھیا اتے انہاں دے جذبے دی تعریف کیتی۔وزیراعظم آکھیا جو 23مارچ کوں اساں ٹائیگر فورس بنڑائی ہئی ،اوں ویلھے توں اج تئیں جتنا وی کم کیتے،میں قوم ولوں شکریہ ادا کرینداں۔انہاں آکھیا جو موسمیاتی تبدیلی پاروں غیر مناسب ویلھے اچ مینھ وسیے جئیں پاروں کنڑک دی پیداوار دا ضیان تھیے۔جئیں ویلھے کنڑک دی گھٹکی تھئی تاں اوندا نرخ ودھ گئے اتے ساکوں دیر نال پتہ لگیے جو کنڑک دی پیداوار گھٹ تھئی اے کیونجو سسٹم موجود ہ سسٹم کنڑک دی پیداوار بارے ڈساونڑ آلا او خراب ہئی ۔انہاں آکھیا جو کنڑک دا جتنا وی خسارہ ہئی او سارا درآمد کر گھدا گئے ۔انہاں آکھیا جو جڈاں تئیں مارکیٹ کوں پتہ کائنا لگیا ہئی جو اساں کنڑک درآمد کیتی تاں اتھاں ذخیرہ اندوزی شروع تھی گئی اتے ذخیرہ اندوزی ملک دی ساریاں توں وڈی لعنت اے۔انہاں آکھیا جو ذخیرہ اندوزاں دے خلاف حکمت علمی سانگے میکوں ٹائیگر فورس دی لوڑھ اے،ٹائیگر فورس خود ونج کراہیں کوئی مداخلت کائنا کریسی،موبائل فون تے تصویر گھن کراہیں پورٹل تے اپ لوڈ کرنڑی اے تانجو انتظامیہ ایکشن گھن سگے۔انہاں آکھیا جو ایں بارے ٹائیگر فورس انتظامیہ دی مددد کریسی۔وزیراعظم آکھیا جو کھنڈ دے بحران بارے پہلی واری تفصیلی انکوائری تھئی اے اتے ساکوں سارا کجھ پتہ لگ گئے ،جیڑھا منصوبہ اساں ہنڑ گھدی امدوں ہنڑ ولا کھنڈ مہانگی کائنا تھیسی۔انہاں آکھیا جو یارھاں سال پہلے ڈتے انٹرویو اچ آکھیا ہئی جو جڈاں چوراں دی چوری اچ ہتھ پمسی تاں سارے کٹھے تھی ویسن۔انہاں آکھیا جو نواز شریف او بندہ اے جئیں پیپلز پارٹی دے شریک چیئرمین آصف علی زرداری کوں ڈو واری جیل اچ رکھئے ۔انہاں آکھیا جو آصف علی زرداری نواز شریف دے خلاف حدیبیہ پیپر ملز دامقدمہ کرایا ہئی ،جنرل باجوہ مقدمہ کائنا کیتا ہئی ۔انہاں آکھیا جو ہنڑ کہیں ڈاکو کوں پروڈکشن آرڈر کائنا ملسی۔انہاں آکھیا جو شہباز شریف تے 23ارب روپے دی کرپشن دا پتہ لگیے،جڈاں تئیں عدالتاں اچ جواب نی ڈتا ویندا پروڈکشن آرڈرکائنا ملسی ۔انہاں آکھیا جو آرمی چیف حکومت دی ہر جاہ تے مدد کیتی اے،ڈو سالیں اچ دفاعی بجٹ گھٹ کیتے،کورونا اچ تعاون اتے کراچی اچ مینھ دی صورتحال نال نبڑنڑ سانگے وی فوج نال تھئی اے۔وزیراعظم عمران خان آکھیا جو میڈی خارجہ پالیسی بارے آرمی چیف پورا ساتھ ڈتے۔