اسلام آباد/بیجنګ۔10مارچ (اے پی پی) د چين صدر شي جين پينګ آصف علي زرداري ته د پاکستان صدر په توګه په ټاکل کېدو مباركي وركړې ده۔ د اتوار په ورځ په خپل پېغام كښې شي جين پينګ ووئيل چې چين او پاکستان ښه ګاونډي ٬ ښه ملګري ٬ ښه همكاران او ښه وروڼه دي۔ هغه زياته کړه چې د دواړو هېوادونو مضبوطه ملګرتيا د تاريخ ټاكنه د دواړو هېوادونو د اولس قيمتي خزانه ده۔ د چين صدر ووئيل چې په دې وروستيو کلونو کښې مو د نزدې او اعلی كچې تبادلې په ځايې ساتلې دي۔ دواړو هېوادونو خپلو خپلو بنيادي ګټو او مهمو اندېښنو سره په اړوندو چارو د يو بل ملاتړ كړے دے۔ د چين پاكستان اقتصادي راهدارۍ ګټورې نتيجې رامخې ته شوي دي۔ د چينائي خبري اژانس د رپورټ له مخې صدر شي جين پينګ ووئيل نړۍ په يوه پېړۍ كښې په نظر نه راتلونكو چټك بدلونونو سره مخ ده او د چين پاكستان اړيكو تزويراتي اهميت نور هم زيات شوے دے۔ ده ووئيل زه د چين پاكستان اړيكو پرمختګ ته زيات اهميت وركوم او د چين او پاكستان ترمينځه روايتي ملګرتيا ٬ په بېلو څانګو كښې عملي مرسته لا زياتولو او د چين پاكستان پرمختګ لپاره صدر زرداري سره په ګډه كار كولو له چمتؤ يؤ۔ د خالي په ورځ د ځايي ميډيا د رپورټ له مخې د پاکستان پیپلز ګوند شريك چيئرمېن آصف علي زرداري د پاكستان نوے صدر ټاكلے شوے دے۔ قومی اسمبلۍ، سېنېټ او صوبائی اسمبلیو څخه ده 411 او د اپوزيشن كانديد 181 ووټونه ترلاسه كړل۔ د هېواد د صدر په حېث دا د ده دويم دور دے۔ دې څخه وړاندې دے كال 2008 څخه تر 2013 په دې منصب پاتے شوے وو۔
د چينائي صدر شي جن پنګ آصف علي زرداري ته د پاكستان صدر په ټاكل كيدو مباركي
مضمون کا ماخذ : quina acumulada
متعلقہ مضامین
