اسلام آباد۔24اکتوبر(اے پی پی) وفاقی وزیر منصوبہ بندی، ترقی تے خصوصی اقدامات احسن اقبال ??ی ِ صدارت اچ زرعی زمین کوں ہاؤسنگ سوسائٹیز اچ بدالݨ متعلق وزیرِ اعظم دی کمیٹی دا جائزہ اجلاس تھئے ۔ اجلاس دا مقصد زمین دے مؤثر استعمال ??انڳے سانجھا اتفاق رائے پیدا کرݨ اتے ترقی ودھاوݨ دی حکمت عملی وضع کرݨ ہئی ۔اجلاس اچ چارے صوبیں دے محکمیں دے اعلیٰ حکام شرکت کیتی جتھاں زمین دے استعمال کوں باقاعدہ بݨاوݨ تے ریکارڈ دی ڈیجیٹلائزیشن دی موجودہ صورتحال ??ے ڳالھ مہاڑ کیتی ڳئی تاں جو زرعی زمین کوں رہائشی مقصد سانڳے مؤث?? طریقے نال ??ستعمال کیتا ونڄ سڳے۔ پنجاب دے نمائندیں ݙسائے جو زمین دے ریکارڈ دی ڈیجیٹلائزیشن جاری اے، جݙاں جو 11 شہراں دے ماسٹر پلان ڈسٹرکٹ پلاننگ اینڈ ڈیزائن کمیٹی توں منظور کرڳھدے ڳئن باقی منصوبے نومبر دے چھیکڑ تئیں پورے تھیوݨ دی توقع اے ۔ سندھ دے نمائندے ݙسائے کراچی دے ماسٹر پلان دی تیاری چھیکڑی مرحلے وچ اے ۔ خیبر پختونخوا دے نمائندیں ݙسائے چھی شہراں دے ماسٹر پلان تیار کرڳھدن انھاں تےعمل درآمد سانڳے مزید ہدایات دا انتظاراے۔وفاقی حکومت کوں ہدایت ݙتی ڳئی جو زرعی زمین کوں رہائشی مقصد سانڳے باقاعدہ طور تے بدالݨ سانڳے جامع فریم ورک تیار کیتا ونڄے جیں اچ صوبیں دی طرفوں تجویزاں وی شامل کیتیاں ونجن ۔ کمیٹی دے ارکان اچ صوبائی وزرائے زراعت، وزرائے ریونیو، وزرائے کوآپریٹوز، چیف سیکرٹریز، سیکرٹری وزارت قومی خوراک و تحقیق، سیکرٹری وزارت موسمیاتی تبدیلی، سیکرٹری بین الصوبائی رابطہ، چیئرمین نواں پاکستا?? ہاؤسنگ اینڈ ڈویلپمنٹ اتھارٹی، چیئرمین سی ڈی اے، اتے ڈی جی وفاقی حکومت ملازمی?? ہاؤسنگ اتھارٹی شامل ہن۔
