اسلام آباد ۔ 16 جولائی (اے پی پی) عالمی عدالت انصاف (آئی سی جے) (اج) بھارتی جاسوس کلبھوشن یادیو بارے اپنڑاں فیصلہ سنڑیسی۔کلبھوشن یادیو دا کیس ڈو سال توں ودھ عرصے توں عالمی عدالت انصاف اچ اے،پاکستان بھارتی جاسوس کلبھوشن یادیو کوں جاسوسی دے الزام اچ پھانسی دی سزا سنڑائی ہئی ، کورٹ جج دے صدر عبدالقوی احمد یوسف نیدر لینڈ دے شہر ہیگ اچ پاکستان ویلھے دے مطابق شام چھی ونجے پیس پیلس اچ عدالت دا فیصلہ سنڑیسن،بھارت عالمی عدالت انصاف اے ثابت کرنڑ اچ ناکام رہیے جو کلبھوشن یادیو کڈاں اتے کینویں پاکستان دی سرزمین تے گرفتاری ویلھے اپنڑی 47سال دی عمر اچ بھارتی بحریہ توں ریٹائر کیتا گیا،بھارت اے وضاحت پیش کرنڑ اچ وی ناکام رہیے جو کمانڈر کلبھوشن یادیو کنے حسین مبارک پٹیل دے جعلی ناں نال مستند بھارتی پاسپورٹ کینویں ہئی جیڑھا جو اوں گھٹ توں گھٹ 17واری بھارت آونڑ ونجنڑ اچ استعمال کیتا۔ایں توں پہلے 21فروری کوں عالمی عدالت انصاف دے15رکنی بنچ پاکستان اتے بھارت دے دلائل سنڑنڑ دے بعد اپنڑاں فیصلہ سانبھیا ہئی ۔پاکستان ولوں اٹارنی جنرل انور منصور خان دی سربراہی اچ دفتر خارجہ دے ڈائریکٹر جنرل ساﺅتھ ایشیاءڈاکٹر محمد فیصل سمیت ڈوجھے حکام تے مشتمل وفد گزریل ڈینھ نیدرلینڈ پجیا۔پاکستان دا مقدمہ لڑنڑ آلے وکیل خاورقریشی وی عالمی عدالت انصاف دا فیصلہ سنڑنڑ ویلھے موجود ہوسن۔
عالمی عدالت انصاف (کل) بھارتی جاسوس کلبھوشن یادیو بارے اپنڑاں فیصلہ سنڑیسی
مضمون کا ماخذ : اسکریچ کارڈ کی پیش گوئی
متعلقہ مضامین
