اسلام آباد ۔ 18 جولائی (اے پی پی) وزیراعظم دے مشیر صنعت تے پیداوار، ٹیکسٹائل تے تجارت عبدالرزاق داودخمیس کوں میڈیا نال گالھ مہاڑ کریندے ہوئیں آکھیا جوجاری مالی سال دوران ہک لکھ ٹن یوریا درآمد کیتی ویسی، حکومت ہک ارب روپے دی سبسڈی ڈیسی، اگلے مہینے تئیں انجینئرنگ ڈویلپمنٹ بورڈدا سی ای او لا ڈتا ویسی۔انہاں آکھیا جو حکومت بئے خرچ دی مد اچ یوریادی قیمت اچ ودھارے دی اجازت نی ڈتی، صرف10 روپے فی ودھارا تھیسی۔انہاں آکھیا جو بجٹ توں پہلے آکھیا گیا ہا جوفرٹیلائزر دی قیمتاں ودھ ہن جیندے تے حکومت ولوں قیمت ودھاونڑ توںروک ڈتا گیا، اساں یوریا دی قیمت صرف 10 روپے ودھاونڑ دی منظوری ڈتی ہے۔ انہاں آکھیا جو فرٹیلائزر انڈسٹری دے نال تھیونڑ آلی ملاقات اچ انہاں دا موقف ہا جو بجٹ اچ گیس ودھنڑ نال ٹرانسپورٹ دی قیمت وی ودھی لہٰذا یوریا دے فی بیگ نال240 روپے دا ودھارا تھیونڑ چاہیدے ،جینکوں حکومت مسترد کریندے ہوئیں بئے اخراجات دی مد اچ یوریا قیمت اچ ودھارے دی اجازت نی ڈتی۔ انہاں آکھیا جو ای سی سی فیصلہ کیتے جو امپورٹ یوریا 1800 روپے تے فروخت تھیسئ،جیندے تے سبسڈی ڈیونڑ پوسی، 10 روپے ودھارے دے بعد یوریا دابیگ 1840 دا تھی ویسی۔ انہاں آکھیا جو اگلے مہینے تئیں انجینئرنگ ڈویلپمنٹ بورڈ داسی ای او لا ڈتا ویسی۔ انہاں آکھیا جو اساں ٹیفا کو ریوائز کریندے پئے ہسے۔
وزیراعظم دے مشیر صنعت تے پیداوار، ٹیکسٹائل تے تجارت عبدالرزاق داود دی میڈیا نال گالھ مہاڑ
مضمون کا ماخذ : پاور بال انعامات
متعلقہ مضامین
