اسلام آباد۔18مارچ (اے پی پی) وزیرِ اعظم عمران خان آکھیا جو اڄوکی حکومت شرح نمو اتے سرمایہ کاری ودھاوݨ سانڳے پرعزم اے، چھوٹی اتے وچلے درجے دی صنعتاں دے ودھارے نال معاشی عمل تکھے تھی ویسی، سابق حکومتاں ولوں گھدے ڳئے قرضیاں دی دلدل اچ پھتے ملک کوں ایجھی صورت کڈھیا ونڄ سڳدے جڈاں ملکی پیداوارودھ ونڄے۔ انہاں اے ڳالھیں خمیس کوں اتھاں معاشی استحکام تے ترقی بارے ترجیحی شعبیاں دے ودھارے اچ پیش رفت بارے جائزہ اجلاس دی صدارت کریندیں ہوئیں آکھی۔ اجلاس اچ وزیرصنعت محمد حماد اظہر، مشیر تجارت عبدالرزاق دائود ، معاون خصوصی ڈاکٹر وقار مسعود، چئیرمین سرمایہ کاری بورڈ عاطف بخاری، گورنر سٹیٹ بنک ڈاکٹر رضا باقر، وفاقی سیکرٹری صاحبان تے ٻئے سینئر افسر شریک تھیے، وزیراعظم کوں چھوٹی اتے درمیانی صنعتاں سانڳے سہولتاں دی فراہمی بارے ہݨ تئیں دی پیش رفت دی رپورٹ پیش کیتی ڳئی۔
اڄوکی حکومت شرح نمو اتے سرمایہ کاری ودھاوݨ سانڳے پرعزم اے، وزیرِ اعظم عمران خان
مضمون کا ماخذ : سٹاربرسٹ
متعلقہ مضامین
