اسلام آباد 30 اپرېل (اے پي پي) وزيراعطم عمران خان سره د هنګري د بهرنيو چارو او د تجارت وزير پېټر سيزج جارتو د جمعې په ورځ ملاقات كړے. د ملاقات په مهال وزيراعظم د دواړو هېوادونو ترمېنځه د دوه اړخيزه دوستانه روابطو په مناسبت او استعداد تر مخه د قامي اقتصادي اړيكو په وده زور راوړو. وزيراعظم د دواړو هېوادونو ترمېنځه د تجارت، توان، د اوبو وسيلو انتظام، خوراك او كركيله، سائنس او ټېكنالوجي او د لوړو زده كړو په څانګو كښې د مرستې زياتولو په ضرورت هم زور راوړو. وزيراعظم د هنګري كاروباري ټولنې ته ووئيل چې هغوي د كاروبار دوست ماحول څخه استفاده او په پاكستان كښۍ نوره سرمايه كاري وكړي. د ملاقات په مهال د كووېډ 19 وبا د معيشت په منفي آغېز هم خبرې وشوې. وزيراعظم خپل اولس ته د واكسين لګولو په لړ كښې د هنګري د حكومت د هڅو ستائنه وكړه. ده ووئيل په پاكستان كښې مونږ نه يوازې د خپل اولس د كورونا وائرس څخه ساتلو لپاره اقدامات كړي بلكې په معيشت د منفي آغېز نه پس دوي د لوږې د لاسه د مرګ نه بچ كولو لپاره هم اقدامات شوي . وزيراعظم د افغانستان په اړه په خپلو خبرو كښې ووئيل د افغانستان شخړه كوم پوځي حل نه لري، يوازې د خبرو د لارې سياسي حل د وړاندې تللو يواځنې لار ده. وزيراعظم د افغانستان څخه په ذمه واره انخلا او د سياسي حل لپاره د افغان ګوندونو لخوا د تند پرمختګ په ضرورت هم زور راوړو. وزيراعظم ووئيل په افغانستان كښې به د امن او استحكام په تجارت او سيمه ايزو روابطو زياتولو ډېر مهم آغېز رامخې شي. د هنګري خارجه وزير په تود هركلي كولو د وزيراعظم مننه وكړه او د هنګري وزيراعظم لخوا ئې وزيراعظم ته نېكې هيلې ورسولې. ده ووئيل هغه د هېواد 17 نامتو كاروباري شخصياتو سره په پاكستان كښې د كاروبار د موقعو جاج اخستو لپاره راغلے. وزيراعظم د هنګري وزيراعظم ته د پاكستان دورې كولو بلنه وركړه او دغسې د هنګري خارجه وزير وزيراعظم عمران خان له هم د هنګري دورې كولو بلنه وركړه
وزيراعطم عمران خان سره د هنګري د بهرنيو چارو او د تجارت وزير پېټر سيزج جارتو ملاقات
مضمون کا ماخذ : بہت کچھ
متعلقہ مضامین
