لاہور۔29 اگست (اے پی پی )نواسہ رسول حضرت امام حسین ؓ دا شہادت دا ڈینھ اتوار کوں پورے ملک اچ مذہبی عقیدت و احترام نال منایا ویسی ،ایں سلسلے اچ ہزاراں جہیں تے جلوساں تے مجالس دا انعقاد کیتا ویسی جیں اچ عزاداران شرکت کریسن،عشرہ محرم دے دوران صوبے دے سارے ضلعیں اچ 9127جلوس اتے 36464مجالس منعقد تھیندیاں ہن چنانچہ جلوساں دی سیکیورٹی ڈیوٹی تے 202768 افسران واہلکارجڈاں جو مجالس دی سیکیورٹی ڈیوٹی تے 235185افسران واہلکارتعینات کیتے گن ،اینویں جلوس اتے مجالس دی سیکیورٹی تے88129پولیس قومی رضاکار ،17312سپیشل پولیس اہلکار اتے 225186والنٹئیرز وی فرائض سر انجام ڈیندے پن،مجالس اتے جلوساں دے داخلی رستیں تے شرکا کوں سرچ کرنڑ کیتے مےٹل ڈےٹےکٹرزاتے واک تھرو گےٹس مختلف جہیں تے لاتے گن ، جلوساں دی فضائی نگرانی وی کیتی ویندی پئی اے ،اج ےوم عاشور دے موقع تے مجالس اتے جلوساں اچ علماءکرام و زاکرین واقعہ کربلا دے فضائل و مصائب تے روشنی پیسن اتے حضرت امام حسینؓ اتے انہاں دے رفقاءدی حق، انصاف اتے اسلام دی سربلندی کیتے عظیم قربانی تے انہاں کوں خراج عقیدت پیش کیتا ویسی ،لاہور اچ 10محرم دا مرکزی جلوس نثار حویلی اندرلے موچی دروازہ توں برآمد تھیسی جڈاں جو بئے علم اتے شبیہ ذوالجناح دے جلوس وی مرکزی جلوس اچ رل ویسن ، مرکزی جلوس چوک رنگ محل مسجد وزیر خان، چوہٹہ مفتی باقر سوہا بازار،اندرلےٹےکسالی گیٹ اتے بھاٹی توں تھیندا ہویا کربلا گامے شاہ اچ ونج تے مک ویسی ،جلوس دے روٹ تے کھیر تے پانڑیں دیاں سبیلاں لاتیاں ویسن جلوس دے ستے تے پولیس دی نفری تعینات ہوسی ۔ایں سلسلے اچ لاہور دی مرکزی امام بارگاہ کربلا گامے شاہ سمیت صوبائی دارالحکومت دیاں ساریاں امام بارگاہیں دیسکیورٹی سخت کرڈتی گی اے ، مرکزی جلوس دے اختتام تے کربلا گامے شاہ اچ مجلس شام غریباں منعقد تھیسی جیں توں نامور ذاکرین خطاب کرےسن،۔
نواسہ رسول حضرت امام حسینؓ دا یوم شہادت عقیدت تے احترام نال منایا ویسی
مضمون کا ماخذ : آن لائن لاٹری
متعلقہ مضامین
