اسلام آباد ۔ 30 اگست (اے پی پی) وزیراعظم عمران خان آکھیے جو بہادر کشمیری بدترین جبر و ظلم دے خلاف برسرپیکار ہن، انہاں کوں کربلا توں رہنمائی گھندے ہوئیں ثابت قدم رہنڑاں چاہیدے کیوں جو ظلم تے نا انصافی دے خلاف انہاں دی جدوجہد کامیاب تھیسی تے ایہے شہدا کربلا اساکوں ڈکھائے ۔ اتوار کوں سماجی رابطے دی ویب سائٹ ٹویٹر تے آپنڑے ٹویٹ اچ انہاں آکھیے جو حضرت امام حسین ؑ، انہاں دے اہل خانہ اتے پیروکاراں دی قربانی اساکوں ترائے سنھیے ڈتن ۔انہاں ابدیت حاصل کیتی جنہاں ظلم تے نا انصافی دے خلاف ڈٹ تے آپنڑیاں جاناں دی قربانی ڈتی ۔اے صرف امیر، طاقتور یا تعلیم یافتہ تھیونڑ توں حاصل نی تھیندی ۔انہاں آکھیے جو کئی عظیم مسلمان کربلاءتوں متاثر تھن انہاں ظلم، نوآبادیاتی حکمرانی اتے نا انصافی دے خلاف کھڑے تھی کراہیں آپنڑیاں جاناں دا نذرانہ پیش کیتے ۔انہاں آکھیے جو بھارت دے غیر قانونی زیر تسلط مقبوضہ کشمیراچ وی ظلم تے نا انصافی دے خلاف جدوجہد جاری اے۔
بہادر کشمیری بدترین جبر و ظلم دے خلاف برسرپیکار ہن، وزیراعظم عمران خان دا ٹویٹ
مضمون کا ماخذ : ڈوپلا سینا
متعلقہ مضامین
